අමන හස්කි බලු පෝතකයා සහ ඔහුගේ ස්වේත බිළාල ඇදුරාණන් | විසිදෙවන දිගහැරුම : මේ උත්තමයාණන්ගේ ඇදුරුතුමා කිපීමට ඔන්න මෙන්න ය.

 

චූ වන්නිං හට මෙතරම් මෙය ඇසීමට සිදු විය, හෙතෙම ඒ මොහොත වන විට කුපිත වී සිටියේ ය. ඔහු පැතුවේ එක් දෙයකි   එනම් විලෝ ලතාවා ආපිට ඇඳ ඍජුවම එය චන් යුවල් වෙත එල්ල කිරීමට හැකි වන ලෙසය. නමුත් ඔහු සිතූ පමාවෙන් ඔවුන්වෙත කඩා පැනීමට නොහැක, මන්දයත් ඔහු එය කොළෝතින්  ප්‍රතිසාධන මායවබිදී එක් ක්ෂණයකින් සත්‍ය ප්‍රතිසාධන බාධකය බිදී යාවී. අවතාරයන් අල්ලා සිරකොට  රඳවා තැබිය හැක්කේ සත්‍ය ප්‍රතිසාධන මායාව ඇතුළත පමණි යම් අතුරුබිඳුමක් සිදුවූවෝතින් ඔහුට ලුවෝ ශියෑන්ශියෑන්ගේ කතාවේ ඉදිරි කොටස ඇසීමට නොහැකි වේවි.

ලුවෝ ශියෑන්ශියෑන්ගේ කතාවට ඉදිරියට  සවන් දීමෙහි ලා   ඔහු  ඇවිලුණු බලවත් කෝපය දරමින් සිටියේ ය.

මරණින් මතු ඇගේ ආත්මය පාතාල ලොවට පා තැබුවේ යා, සිහිල් මෙන්ම අන්දමන්ද වන සුළු.
ඇයට මතක තිබුණේ දෙවොලේ සිටි අවතාරාධිපතිනිය සේ පෙනෙන  ලජ්ජ්වලිත වත හැඳි කත පමණි. ඈ ඉදිරිපිට සිටගනිමින් සන්සුන්  හඬකින් ඇගෙන් යමක් විමසන්නී ය.  “ඔබට දිවියේදී චන් බො’හුවන් සමඟ එක සයනක සැතපීමට නොහැකි විය. මරණයේදී  ඔබ ඔහුත් සමඟ එකට මිහිදන් වීමට කැමත්තෙන් සිටින්නෙහි ද? ”

බියට පත්ව සිටි ඈ පිළිතුරු දුන්නා ය, “කැමතියි, කැමතියි”

“එසේනම් ඔහුට ඇවිත් ඔබ සමඟ ඉන්නට ඉඩ සලස්වමු, එහෙම හොඳයි නේද?”

ලුවෝ ශියෑන්ශියෑන් දැඩි ආශාවෙන් එකඟත්වය ප්‍රකාශ කළේ අපරික්ෂාකාරීව දොඩවමින් ය, නමුත් ක්ෂණයෙන් ඇයට යමක් මතක් වී , තරමක් නැවතී ඇසුවා ය. “මම මියගිහින් ද?”

“එහෙමයි, මම පාතාල ලොවේ උත්සවයන්ට අධිකෘත අවතාරාධිපතිනිය වෙමි, මට හැකිය ඔබේ දිවිතුරාවට වූ බලවත් ප්‍රාර්ථනාව ඉටු කිරීමට”

ලුවෝ ශියෑන්ශියෑන් බිරාන්ත වී විමසුවා ය. “එසේනම්, ඔහු මා හා විසීමට පැමිණීමට නම් ඔහුටත්..... මියයෑමට සිදුවේ ද?”

“එහෙමයි, නමුත් සුරලොව නම්  අනුකම්පා කරයි, දිවිය ද  මරණය ද යන්න අල්පේශාක්‍යයි, එය නෙතු පියාගැනීමක් පමණි, කුමක් ද වෙනස? ”

අපේක්ෂා කළ සේම අවතාරාධිපතිනිය තායමක් යොදා අනෙක් මිනිසුන්ගේ ජීවිතවල ප්‍රාර්ථනාවල් තබා ගැනීමට පොළඹවයි, සත්‍යවශයෙන්ම දුෂ්ට වූ අමරණීයයෙකි

ලුවෝ ශියෑන්ශියෑන් යම් වරදකින් මිය ගියත් ඇය රුදුරු ආත්මයක් නොවූවා ය,  ඇය තම හිස නැවත නැවතත් සෙලෙව්වා ය. “ඔහුව මරන්න එපා, එය ඔහුගේ වරදක් නොවේ.”

අවතාරාධිපතිනිය ඛේදනීය මඳහසක් පෑවාය. “මෙහෙමත් කාරුණිකත්වයක්, නමුත් කුමක් ද ඔබ මෙයින් ආපිට ලබන්නේ?” එය ඇගේ මනස වෙනස් කිරීමට තරම් උත්සුක නොවීය; අමරණීයෙක් වශයෙන් , දුටු ප්‍රාර්ථනාවන් කිරීමට  මිනිසුන් පෙළඹවීමට නම් හැකිය, නමුත් එය ඉටු කිරීමට බලපෑම් කිරීමට  නම් නොහැකිය.

එහි රුව කෙමෙන් මැකී යෑමත් සමඟම හඬ ද බොඳ විය.

සත් වෙනි දිනදී ආත්මය නැවත පැමිණෙයි.ඔබ සත්වෙනි දිනදී යලිත් ජීවීන්ගේ ලොවට ගිය පසු, ඔබම ගොස් බලන්න චන් පවුල කුමක් ද කිරීමට යන්නේ කියා, මම  නැවත පැමිණෙන්නම්  ඔබ තවමත්  පසුතැවේවි ද නැති ද කියා බැලීමට.

සත් දිනකට පසු . ආපසු පැමිණීමට නියමිත දිනදී

 ලුවෝ ශියෑන්ශියෑන් සවිඥානකත්වය  ලැබ නැවත ජීවීන්ගේ ලොවට පැමිණියා ය.

චන් බන් බංගලාව වෙත යා හැකි සමීපතම මාර්ගයක් ඇය හඹා ගියේ අවසන් වරට සිය  සැමියා දැක ගැනීමට වූ ඉමහත් ආශාව පර දැරි කොට ගෙනය.

අනපේක්ෂිත ලෙස,  චන් බංගලාව පහන් කූඩු සහ  ධජ වලින් උත්කර්ෂවත් ලෙස මංගල්‍යකට සරසා තිබිණ. පිළිගැනීමේ පෙදෙස විවාහ සුභ පැතුම් තිළිණ වලින් පිරී තිබිණ. එහි  ප්‍රදාන ශාලාවේ විසල් “ශී” අක්ෂරයක් විය. චන් මැතිණියගේ මුළු වතම බබළන්නට විය, කිසිදු රෝගයක සළකුණකදු එහි නොවීය. ඇය සිනාසෙමින් සේවක සේවිකාවන් හට විවාහ සුභ පැතුම් තිළිණ රත්පැහැ සේද වලින් සහ අලංකෘත සැරසිලි වලින් සැකසීමට උපදෙස් දුන්නාය.

කවුරුන්ද...... විවාහ වෙන්නේ?

කවුරුන්ද...... මේ විවාහ සුභ පැතුම් තිළිණ සකසන්නේ?

කවුරුන්ද....... කිසි වියදමකින් තොරව උත්කර්ෂවත් ලෙස සමරන්නේ?

කවුරුන්ද....

ඇය කලබලකාරී සෙනඟ මැද්දට කොටු වීමෙන් මී මැසි හඬ මෙන් දෝංකාර දෙන හඬවල් ඇසන්නව වූවා ය.

“චන් මැතිණිය, ඔබගේ පුත්‍රයාගේ සහ ආණ්ඩුකාරවරයාගේ දියණියගේ විවාහ ගිවිස ගැනීමට සුභපැතුම්,  කීයටද විවාහ ගිවිසගැනීමේ උත්සවය තිබෙන්නෙ?”

“චන් මැතිණිය භාග්‍යවන්තයි”

“යාඕ ආර්යාව චන් පවුලට භාග්‍යයක්, විවාහය සිදුවූවා පමණයි, දැනටමත් ඔබ සුවෙන් වගෙයි පෙනෙනුයේ”

“ඔබේ පුත්‍රයයි, යාඕ ආර්යාවයි රත්‍රනුයි හරිතාමණියි වගේ  පෑහෙන්නේ, සුරලොව මවාපු ගැලපීමක් වගේ. මට නම් ඊර්ෂ්‍යයයි”

“ඔබේ පුත්‍රයා, ඔබේ පුත්‍රයා”

“මොන පුත්‍රයා ද?”

කවුරුන්ද යාඕ පවුලේ දියණිය සමඟ විවාහ වනුයේ ?

ඇය වියරුවෙන් මෙන් හුරු පුරුදු ශාලාවන්හි මෙන්ම උද්‍යානයේ ඉබාගාතේ යන්නට වූයේ හුරුපුරුදු කැලිසේයාවක් මෙම සිනාවන් සහ කතා බහ අතර සොයමින්‍ ය.

ඇය එය සොයාගත්තා ය. 

චන් බො’හුවන් පිටුපස ශාලාවෙහි වූ වෘක්ෂයන් ඉදිරිපිට සිටන් සිටියේ ය, ඔහුගේ මුහුණ මලානික වී තිබුණි, දෙකොපුල් ගිලී ගොස් තිබුණි,නමුත් ඔහු, රත් පැහැ ඇදුමකින් සැරසී සිටියේ ය, එහෙත් එය මංගල ඇඳුමක් නොවීය, සායී දියේ නුවර  සමනලුන්ගේ රූප වලින් ගෙත්තම් කර තිබූ සාම්ප්‍රදායික ඇඳුම විය, ඔහු මනාලියගේ නිවසට විවාහ යෝජනා කිරීමට යෑමේ දී බෑණනුවන් විසින් සිය මනාලියගේ නිවසට යෑමේදී සැරසී සිටිය යුතු වස්ත්‍රය විය.

ඔහු..... යෝජනා කිරීමට ද යෑමට ද සැරසී සිටිමින් සිටිනුයේ?

ශාලාව පුරා තිබූ වර්ණවත් තිළිණ , රන් , රිදී, මුතු වලින් පිරුණු, ඒ සියල්ල ඔහු විසින් සකසා ඇත් ද, ඇගේ සැමියා , චන් බො’හුවන් , යාඕ පවුලේ දියණිය වෙත?

ඇයට එම මොහොතේ ක්ෂණයෙන් මතකට ආවේ ඔවුන් දෙදෙනා විවාහ වුණ මොහොතය.

එහි කිසිවක් නොවීය , පුද්ගලයින් දෙදෙනෙක් හැරුණු කොට , එහි වූයේ දෙහදකි, අන් කිසිවක් නොවීය.

උත්සවයන්ට අධිපතියෙක් නොවීය, දෙවනි මනාල මනාලියන් එහි නොවීය, එහි තිළිණ නොවීය. චන් පවුල කිසිවක් සාර්ථකව කළේ නැත, ආභර්ණ කිහිපයක්වත් එහි නොවීය, ඔහුඋයනේ වූ ඔවුන් එකට රෝපණය කළ දොඩම් ගස වෙත ඇවිද ගොස් සියුම් මුකුලයක් නෙළා ගත්තේ ය එය සිහින්ව ඇගේ හිස මත තැබුවේ ය.

“මගේ පෙනුම කෙසේද?” ඇය ඔහුගෙන් විමසා සිටියා  ය.

සුන්දරයි, ඔහු පැවසුවේ ය.  ඔහු මද වෙලාවක් මුනිවත රකින ලද්දේ ක්ෂමාපන ලෙස  ඇගේ හිස සෙමින් අත ගෑමට පෙරය.  “ඔබ මීට වඩා යමක් ලැබීමට සුදුසුයි, මට දුකයි ඔබ ගැන”

ලුවෝ ශියෑන්ශියෑන් සිනාසී සිටියා ය, එයට කම් නැති බවට ඇය පවසා සිටියා ය.

චන් බො’හුවන් ඇයට කියා සිටියේ තුන් වසරකින් පසු ඇයව උත්සවාකර්ෂව විවාහ විවාහ කරගත්  පසු, ඔහු සැමටම ඇරයුම් කරමින් මහා උත්සවයක් ගන්නා බවය.  ඔහු ඇයව මිනිසුන් අට දෙනෙකු විසින් රැගෙන යන ලද දෝලාවකින් රැගෙන යන බවය, ශාලාව රත්තරින් සහ රිදියෙන් සරසවා පිළිගැනීමේ ශාලාව තිළිණයන්ගෙන් සරසන බවය.

ඒ පොරොන්දුව වර්ෂ ගණනාවක් ඇගේ කනෙහි රැදුණි. නමුත් මෙහිදී එය මහත් උත්කර්ෂවත් උත්සවක් ද විය, සියලු දෙනා හට ඇරයුම් කළ ද තිබිණ

එනමුදු ඔහු වෙනත් අයෙකු සමඟ අතිනත ගනී

ශෝකය සහ ක්‍රෝධය ඇය වෙලා ගත්හ. ලුවෝ ශියෑන්ශියෑන් බෙරිහන් දුන්නේ ඇය කුටියෙහි වූ රත් පැහැ සේද රෙදි සහ විසිතුරු ගෙත්තම් කළ පට රෙදි ඉරා දමනවා මෙන්‍ ය.

නමුත් භූතාත්මයක් වූ හෙයින් ඇයට ඒ කිසිවක් ඇල්ලිය නොහැක.

යමක් දැනුනාක් මෙන්, චන් බො’හුවන් ආපසු හැරී බැලුවේ ය. ඔහු  කුටියෙහි වූ  සුළඟක් නොමැතිව සෙළවෙන  සේද රෙදි දෙස හිස් බැල්මක් හෙළුවේ ය.

ඔහුගේ කුඩා සොහොයුරිය එහි පැමිණියා ය, ඇගේ හිසෙහි ස්වේත හරිතාමණි කොණ්ඩ කටුවක් විය; ඇය රහසින් අයෙක් වෙනුවෙන් ශෝක වන්නීය.

ඇය පැවසුවා ය, “ලොකු අයියණ්ඩි, මොනවාහරි කන්නකෝ,  අයියණ්ඩි ගොඩක් දවසකින් මොනවත්ම කාලා නෑනෙ හරියට, දැන් අයියණ්ඩිට තියෙනවානේ විවාහ යෝජනාව කරන්න අණ්ඩුකාරතැනගේ වලව්වට යන්නත්, ඔය  ඇඟ දරාගන්න එකක් නෑ මෙහෙම ගියොත්”

චන් බො’හුවන් කතාවට පිටින් යමක් ඇසුවේ ය, “පොඩි නගාට ඇහෙනවද කවුරුහරි අඬන සද්දයක්, ”

“ඈ? නෑ? ලොකු අයියණ්ඩි මොකද.....”  ඇය දත් එකිනෙකට තද කොට ඇගේ සිතුවිල්ල  ගිලගත්තා ය. චන් බො’හුවන් සිය කතාව දිගට කරගෙන ගියේ ය. “ අපේ අම්මාට කොහොමද දැන්, හොඳින්ද? අසනීප ගතිය ඇරිලා ද දැන්”

“....ලොකු අයියණ්ඩි”

“....අම්මා ඉක්මනින් සනීපවෙලා නම් හොඳයි”  මදක් එහි මෙහි ගොස් චන් බො’හුවන් මොහොතකට සිටගත්තේ ය, ඉන්පසු තනිව දොඩවන්නට වූයේ ය “මම දැනටමත් ලුවෝ ශියෑන්ශියෑන්ව නැති කරගෙන ඉවරයි”

“ලොකු අයියණ්ඩි, මොනවා හරි කන්නකෝ....”

ලුවෝ ශියෑන්ශියෑන් හඬමින් කෑගසමින් ඇගේ හිස අල්ලා ගනිමින් සෝ තැවුල් මැද වූ වේදනාවෙන් කෙඳිරිගාන්නට වූවා ය.

“එපා...යන්න එපා...දාලා යන්න එපා”

“හරි” චන් බෝ’හුවන් පැවසුවේ ය.

විඩාවට පත් ආත්මය කොනකට වී අතුරුදහන්ව ගියේ ය.

 

තෝන්තු වී ලුවෝ ශියෑන්ශියෑන් එහි තනිව සිටන් සිටියා ය, විශාල කඳුළු බිදු ඇගේ දෙකොපුල් දිගේ  ගලන්නට විය. අහඹු ලෙස මෙන් ඇගේ මරණයට හේතු වූ චන් සොහොයුරන්ගේ හඬවල් ඇගේ සවනට වැදිණි. දෙවෙනි සහ බාල චන් සොහොයුරන් කොඳුරන්න්ට විය.

“අම්මා, බොහෝම සන්තෝසෙන් ඉන්නෙ, සේරම නිසි තැනට කලට වෙලාවට වුණා”

“ඇයි කියන්නැත්තේ? අවුරුද්දකින් භාගයක්ම ගියානේ ගිලන් වෙලා කියලා බොරු කරන්න, අර කාලකණ්ණි පෙරේති කොහොම හරි එලෝ ගත්තා , කොහොමද අම්මා සතුටු වෙන්නැත්තේ”

බාල සොහොයුරා දිව උඩු තල්ලේ ගාවමින් හඬ නඟවමින් ක්ෂණයෙන් පැවසුවේ ය. “මට හිතාගන්න බැරි ඒකි එළියට ගියාට පස්සෙ කොහොමඳ මැරුණේ, අපිට ඒකිව මරන්න ඕනෙ වුනේ නෑනෙ, කොච්චර මෝඩද ඒකි, උදව්වක් ඉල්ලගෙන යන්නවත් දන්නැද්ද?”

“කවුද දන්නෙ බොල, ඒකිත් අප්පොච්චා වගේම ගණංකාරයෙක් වෙන්න ඇති, ඒකි මැරුණේ අපේ වැරැද්දෙන් නෙවෙයිනේ, අම්මා ඕකිව මුළා කරලා තියෙන්නෙ, ඒත් ඒව අපිට කරන්න අමාරුයි, හිතලමා බලපංකෝ ආණ්ඩුකාරවරයෙකුගේ දුවකගෙයි, ගොවි ගෙදරක කෙල්ලෙකුගෙයි අතර වෙනස, මෝඩයෙක් තමා ඕකිව ගන්නේ, හැබැයි පුතෝ අපි අතින් ආණ්ඩුකාර තැනගේ දූ සිඟිත්ත යාඕ වරදක් උනෝතින්, මේවා මෙහෙම කෙළවර වෙන්නෙ නම් නෑ”

“උඹ හරි බං, ඒකි මෝඩියක්, ඒකිට සීතලේ ගල් වෙලා මැරෙන්න ඕනෙනම් , ඒක කාගෙවත් වැරැද්දක් නෙවෙයි”

මෙම වදන් ඇගේ සවනට වැඳිණ.

“වින්නැහි වල අග්‍රදූතිකාව” යන්න ඇය සමාජ තත්ත්වයෙන් උසස් නොවූ නිර්ධන පන්තියේ  ගොවි පවුලක දියණියක් වූ හෙයින් ආණ්ඩුකාරයකුගේ දුවකට සමකළ නොහැකි හෙයින් ආ දෙයක් යන්න  පිළිබඳව ඇයට වැටහුණේ මරණයේ දී පමණි.

ගොවි පවුලක කෙල්ලෙක්ව ගන්නේ මෝඩයෙක් තමයි.
ඇය අවසානයේදී කඩා වැටුණා ය.
හදවත ඇයට සිදුවු අකටයුතුකම් හෙයින් වූ ද්වේෂයෙන් හා වෛරයෙන් පුරවාගෙන  ඇය නැවත අවතාරාධිපතිනියගේ දෙවොකට පැමිණියා ය.
ඇය දුර්වලව සහ අසරණව එහි මිය ගියා ය. ඇය නැවත එහි පැමිණියේ අමිහිරිව ගිය ගල් හදවතකින් ය.
ඇය වරක් කාරුණික ගුණ යහපත් ස්වභාවයක් ඇති අයෙක් වූවා ය. නමුත් මේ මොහොතේ පෙර පිටතට නොගත් සිය දිවියේ ඇය තමා තුළ සිටි වෛරය, සියලුම දුෂ්ට ස්වභාවයක් සියල්ල කැඳවමින් මහ හඬින් ඇගේ අත්මය දෙදෙරවමින් නෙත් රතු කරමින් මහා හඬින් කෑගැසුවා ය.

ඇය කෑගැසුවා ය. “ලුවෝ ශියෑන්ශියෑන් වන මම මගේ ආත්මය පුදා දුෂ්ට නපුරු භූතාත්මයක් වීමට සූදානම්මි, මම අවතාරාධිපතිනිට යදිමි, උන්ගෙන් වාඩු ගැනීමට පමණක්! මට අවශ්‍යයි මුළු චන් පවුලම__කාලකණ්ණි වගේ මැරෙනන! මට ඈව__මගේ නැන්දම්මා, තිරිසනෙකුටත් වඩා පහත් ඇය ලවාම ඇගේ පුත්තු තුන්දෙනා ඇගේ අතින්ම මරන්න, උන් ඔක්කෝම!!! මට අවශ්‍යයයි චන් බො’හුවන් මා ළඟට ඇවිත් මා කැටුව මා සමඟම පරලොව යන්නට!!! මට මෙය පිළිගැනීමට නොහැකියි!! මම වෛර කරමි!!! වෛර කරමි”

දෙවොලේ වූ මැටියෙන් තනන ලද රුව නෙත් එහි ඇසිපිය බිම හෙලීය, මුවඟ මදහසකට නැඟිණ.
හඬ දෙවොලෙහි රැව් දිණ.

“ඔබේ වන්දනාව පිළිගත්මි, ඔබේ පැතුම් ඉටුවේවි. මින්මතු ඔබ දුෂ්ටාත්මයකි__යන්න, ඉදිරියට  ගොස් මරා දමන්න__ඔබට වින කළ අයව__”

තියුණු රත් පැහැ ආලෝකයක් මතුවිය, ඉන්පසු ලුවෝ ශියෑන්ශියෑන් හට කිසිවක් මතක නොවීය.

එහෙත් චූ වන්නිං මීළඟට සිදුවූ සියල්ල දැන හමාරය. අවතාරාධිපතිනිය දුෂ්ටාත්මය ලුවෝ ශියෑන්ශියෑන් පාලනය කරමින් චන් මැතිණියට ආරූඪ වී එකිනෙකා බැඟින් චන් පවුලේ සියල්ල මරා දැමුවා ය.

චන් බො’හුවන්  කඳුකර ප්‍රදේශයේ දී ගොඩගත්  රත් පැහැ ශවභාජනයක සිටීමට හේතුව ලුවෝ ශියෑන්ශියෑන්ගේ පැතුම වූ_ “මට ඔහුත් සමඟ වැළලෙන්නට අවශ්‍යයයි.” යන්නය. එහි මුදුනෙහි චේතනීයවම ඔහු සහ ඔහුගේ නව බිරිඳ නව නිවසක් ඉදි  කිරීමට වෙන් කොට තිබූ පෙදෙසෙහිම එම ශවභාජනය තබා තිබිණ, එනම් පළිගැනීමට මෙන්ම ශාපය නිසා හෙයින් ය.

චන් බො’හුවන්ගේ ශවභාජනයෙහි වූ සුවඳ ලුවෝ ශියෑන්ශියෑන් මියයන විට ඇගේ ශරීරයේ වූ සියක් සමනොළ ධූපය විය.  ශවභාජනය තුළින් දුෂ්ටාත්මයක බලය සහ විශාල සුවඳක් පිටතට පැමිණියේ ලුවෝ ශියෑන්ශියෑන්ගේ ආත්මය චන් බො’හුවන් සමඟ එතුළ නිදා සිටි හෙයින් ය.

ලුවෝ ශියෑන්ශියෑන් හට පවුලක් නොවීය. එවැනි අයෙක් මිය ගිය පසු, සිරිත් පරිදි ඔවුන් භූමදානය නොකට ආදාහනය කෙරේ. එහෙයින් , ඇයට ශරීරයක් නොවීය, ඇයට ඇගේ ස්වරූපය ගත හැකි අවතාරාධිපතිනියගේ ශවභාජනය තුළය. ඉන් පසු, චූ වන්නිං කස පහරකින් ශවභාජනය පලා විවර කොට ලුවෝ ශියෑන්ශියෑන්ගේ වසස්ථානය ද බිඳී  විසිරිණ, තාවකාලිකව නැවත එකතු කිරීමට නොහැක. ශවභාජනය වසන විට දුෂ්ට බලවේගය ශක්තිමත් එහෙයින් ය, නමුත් විවර කළ විට දුර්වලය.

එහෙත් මායාන්විත භුවනේදී , සියළුම ශවයන් ගලපමින් දෙදෙනා බැගින් යුවලක් බවට පත් කළද මන්ද චන් බො’හුවන්ට එසේ නොකට කඩදාසි අවතාර මනාලියක් සමඟ ගැලපීමට ලක් කළේ?

චූ වන්නිං  මොහොතකට කල්පනා කළේ ය, ඉන් පසු සොයා ගත්තේ ය.

අවතාරාධිපතිනිය එහි ප්‍රතිඥා කඩ නොකරයි; එම අවතාර මනාලිය ලුවෝ ශියෑන්ශියෑන්ගේ “ද්‍රව්‍යමය ශරීරයයි” එහෙත් නැතිනම් සරලවම කිවහොත් චන් බො’හුවන්  සමඟ වැළලිය හැක්කේ ලුවෝ ශියෑන්ශියෑන් හට පමණි.

සියල්ල පැහැදිලි  විය.

මායාව අතරින් චූ වන්නිං ලුවෝ ශියෑන්ශියෑන් දෙස බැලුවේ ය. ඔහුට යමක් කීමට අවැසි විය, එහෙත්  කුමක් පවසන්න ද යැයි ඔහු නොදනී, යූහං  වැඩිහිටියා වචන හැසිරීමට දක්ෂ නැත_ඔහු පවසන වදන් දැඩි බවින් යුක්ත හෙයින්_නිහැඬියාව පැතිරිණ,  එමෙන්ම මේ සියල්ලටම මත්තෙන්  ඔහු කිසිවක් නොපවසාම සිටියේ ය.

යුවතින නොනිමවන  අන්ධකාරයේ සිටන් සිටියා ය, ඇගේ සියුම් නෙතු දීප්තිමත් ය.

චූ වන්නිං ඇගේ නෙත් දෙස බැලුවේ ය, එමෙන්ම එය තවදුරටක් දරා ගැනීමට හදක් නොවීය. ඔහුට යෑමට අවශ්‍ය විය, තවත් බැල්මක් දැරීමට නොහැකි විය, ඔහු නෙත් විවර කොට සත්‍ය ප්‍රතිසාධන බාධකයෙන් යෑමට තැත් කළ පසු ඔහුට යුවතිය කතා කරනවා ඇසිණ.

යෑන්ලුවෝ ග’ග’, දෙ-දෙයක් තිබේ ඔබට පැවසීමට

චූ වන්නිං : “..ම්ම්”

යුවතිය හිස බිමට පහත් කොට ඇගේ  දෑතින් වත වසාගෙන හඬන්නට පටන් ගත්තා ය. මෘදු ලෙස ඈ පැවසුවා ය, “යෑන්ලුවෝ ග’ග’ පසුව මම කුමක් කළාද කියා මම නොදනිමි, නමුත්,මට..මට ඇත්තටම අවැසි වූයේ නැහැ මගේ සැමියාව මැරීමට. මට අවැසි වූයේ නෑ දුෂ්ටාත්මයක් වීමට, සත්‍යවශයෙන්ම නැහැ.”

“මම දොඩම් සොරක්ම් කළේ නැහැ, මමයි චන් බො’හුවන්ගේ බිරිඳ, මගේ මුළු දිවියේදිම කිසිවෙක්ට හානි කිරීමට මට අවැසි නොවීය කවදාවත්ම , තවදුරටත්” 

“මට අවැසි නැහැ කිසිවෙකුට හානි කරන්න , රිදවීමට, මම ඔබෙන් අයදිනවා, කරුණාකර, මාව විශ්වාස කරන්න”

ඇගේ වෙව්ලන හඬ ඉකිබිඳීමත් සමඟ කැඩෙන්නට විය.

“මම..බොරු...කළේ නැහැ...”

මම බොරු කළේ නැහැ

 ඇයි මගේ මුළු ජීවිතේදිම කිසිවෙක් මාව විශ්වාස නොකළේ? 

ඇය අසරණ ලෙස හඬා වැටුණාය. චූ වන්නිංගෙ හඬ අඳුර අතරින් පැතිරිණ. ඔහු එතරම් දේ නොපැවසුවේ ය, නමුත් එය පසුබට වීමකින් තොර විය

ලුවෝ ශියෑන්ශියෑන්ගේ කුඩා සිරුර ගැස්සින.
“මම ඔබව විශ්වාස කරමි” චූ වන්නිං පැවසුවේ ය.

ලුවෝ ශියෑන්ශියෑන් කඳුළු පිසැලෑමට උත්සාහ කළත් හැඬීම නැවැත්විය නොහැකි විය.  අවසානයේ ඇය ඇගේ කඳුළු වලින් ඉරි ඇදි මුහුණ අතින් සඟවා  ඇයට අන්ධකාරය මැදින් දැකිය නොහැකි වූ පුද්ගලයාට හිස නමා ආචාර කළාය.

චූ වන්නිං නෙත් විවර කළේ ය

යථාර්තයේදී සහ බාධකයේ දී කාලය වෙනස් ලෙස ගෙවී යයි, ඔහු බාධකය තුළ බොහෝ කාලයක් ගත කොට ඇත, එහෙත් එය පිටත දී සුළු  මොහොතක් පමණි. මෝ රන් තවම පැමිණ සිටියේ නැත, චන් පවුලේ ඉතිරිව සිටින පවුල් වැසියෝ බිරන්ත වී බාලා සිටියෝ ය.

චූ වන්නිං සැණින් විලෝ ලතාව පසෙකට කළේ ය, ඔහු චන් මැතිණිය දෙස බැලුවේ ය. “ඔබේ දුක්ගැනවිල්ල මා අසා සිටියෙමි, ඔබට දැන් හැකිය නිදා ගැනීමට”

චන් මැතිණිය රත් පැහැ නෙතු වලින් බලා සිටියා ය, සැණෙන් සිහිසුන්ව බිම ඇද වැටුණා ය.

චූ වන්නිං නැවත හිස එසෙව්වේ ය, ඔහුගේ බැල්ම ඍජුවම චන් ඉඩම් හිමියාගේ මුහුණ වෙත ළඟා විය  ඉන්පසුව බාල පුත්‍රයා වෙත. ඔහුගේ හඬ තද ගතියෙන් යුතු සැර පරුෂ  වූවත් ඔහු සියුම් ලෙසක් විය.

“මම මේ අවසන් වරට ඔබෙන් අහන්නේ” ඔහු  සෙමින්  විචාළේ ය, පැහැදිලිව සෑම වචනයක්ම උච්චාරණය විය. “ඔබලා ඇත්තටම නොදන්නෙහු  ද ඒ හඬ කාගෙද කියා?”

T/N

ප්‍රතිසාධන මායව  =归真幻境就  (Guīzhēn huànjìng jiù/ ගුයිජන් හුවන්ජිං ජියෝ)

සත් වෙනි දිනදී ආත්මය නැවත පැමිණෙයි.= 七日回魂 (Qī rì huí hún/ චින් ර හුයි හුන් ) මෙහි අරුත නම් මරණින් මතු ආත්මය ජීවත්ව සිටින්නන්ගේ ලොවට සත් දිනකට පසු පැමිණිමයි

විවාහ සුභ පැතුම් තිළිණ = 聘礼 (Pìnlǐ/ පින්ලී)  මංගල්‍ය සිදුවන නිවසින්/පවුලෙන් දෙන තෑගි

“ශී”  = 囍  සන්තෝෂට මෙන්ම භාග්‍යට වූ විවාහයෙහි සංකේතය

යෝජනා කිරීමට = අතීත චීනයේ දෙමව්පියන් විසින් දරුවන්ගේ විවාහ කර දෙනු ලබන අතර පුරුෂයා විසින් ස්ත්‍රියට යෝජනා කිරීමට කලින් යන අතර ත්‍යාග රැගෙන ගොස් යෝජනා කරයි.

ලොකු අයියණ්ඩි =  大哥 (Dàgē / තා’ග)  වැඩිමහල්ම සොහොයුරා

පොඩි නගා = 小妹 (Xiǎo mèi / ශියාඕ මෙයි)  බාලම සොහොයුරිය

Previous | TOC | Next