අමන හස්කි බලු පෝතකයා සහ ඔහුගේ ස්වේත බිළාල ඇදුරාණන් | විසිඑක්වන දිගහැරුම : මේ උත්තමයාණෝ ඔබට කතාවක් කියන්නම්. (3 වන කොටස)

ආණ්ඩුකාරයාගේ සුරතල් දියණිය වූ යාඕ හට  උද්යෝගිමත් ස්වභාවයක් තිබුණි. ඈ නිවසට ගිය පසු ආහාර පාන පවා ගැනීමට අමතකව තම පියාණන්ට ගොසින් චන් බො’හුවන් ගැන විමසා  බලන ලෙස පවසමින් ඇවටිලි කරන්නට විය. චන් බො’හුවන් විවාහකයෙක් වූවත්, මංගල්‍ය සිදුවී ඇත්තේ හැංගි හොරාය; පිටස්තරයින් කෙසේ දැන ගන්න ද එය? නුවර වැසියෝ  චන් පවුල සහ ලුවෝ පවුල අතර වූ විවාහ සැලසුම් පිළිබඳව හෝ නොදන්නෝ ය.

එම සුරතල් යාඕ ආර්යාවට දැන ගැනීමට ලැබුණේ චන් ගොංස තවමත් අවිවාහක ලෙසට ය.

ආණ්ඩුකාරතැන මෙම පුද්ගලයා ගැන වැඩි දුර සොයා නොබලාම මොහු, මෙම චන් මිනිසා  සිය පවුලට ගැලපෙන ගැලපෙන තෘප්තිකර වූ පවුල් පසුබිමක සිට පැවත එය සෞම්‍ය ස්වභාවයකින් යුත් අයෙක් හෙයින් මොහු සුදුසු යැයි සැලකුවේ ය, ඔහු චන් දෙපල වෙත විවාහ යෝජනාවක් දූතයෙකු අතෙහි යැව්වේ ය.

මෙය කන වැටීමෙන් අනතුරුව,   චන් ඉඩම් හිමියා  අන්ත්‍රයන් නිල් වෙනතුරු පසුතැවීමට පත් වූවේය. ඔවුහු ආචාරශීලි ලෙස ආණ්ඩුකාරවරයාගේ දූතයාට ඔවුන්ට සිතීමට  තව කාලයක් ලබා දෙන ලෙස පැවසුවෝ ය, ද්වාරය වසා දැමූ ඔවුහු සැණෙන්  එහිනෙකා සමඟ බහින් බස් වූවෝ ය.

චන් ඉඩම් හිමියා මොර දුන්නේ ය, “ඉක්මන් කොටයි කියන්නේ ඕක තමා! අර නාකි විද්වතා කලින්ම එලොව ගියා, ඔය දෝණියැන්දා තුන් හවුරුද්දක්වත් ඒ වෙනුවෙන් ශෝක කාලය ගතකරන්න තියෙද්දිත්, ඔහේට  එවෙලෙ  උන් සහේට ගන්න එක ගැන හදිස්සියක් තිබ්බේ නැත්තම්, අපේ පුතාට තවත් කල් තියෙනවා, බලාපන් මොන වින්නැහියක් ද මේ උනේ දැන්!”

චන් මැතිණිය තවත් චිත්තාපර බවට පත්වූවා ය. “ආ... දැන් ඔහේ මට දොස් කියනවාද? ඔහේට නෙවෙයිද් ඕනේ වුනේ ඔය දීගේ කරන්න, අපි මේතන මේ කතාකරන්නේ ආණ්ඩුකාරතැනගේ සුරතල් දෝණියැන්දා ගැන! කොහොමද අර ශියෑන්... අර ලුවෝ ශියෑන්ශියෑන්ව සම කරන්නවත් හිතන්නේ? ”

මෙම මහළු අවජාතකයින් දෙපල වැසුණු ද්වාරායක පිටුපසට වී තර්ක කරන්නට විය, ඔවුන්ගේ මුහුණ රත් පැහැවී, ශක්තිය හීන වූවායින් පසුව මේසය අසල දැඩි ලෙසට ආශ්වාස ප්‍රශ්වාස කරන්නට විය.  

චන් ඉඩම් හිමියා ඇසුවේ ය. “දැන් අපි මක්කැයි කරන්නේ, ආණ්ඩුකාරතැනට බැහැයි කියනවාද?”

චන් මැතිණිය පැවසුවා ය. “එහෙම බෑ.  මේ රත්තරං ආර්යාව නිසා අපේ පවුලට කීර්තිය භාග්‍ය කියන දේ ලැබේවි.”

චන් ඉඩම් හිමියා කිපී හැරී බැලුවේ ය, “ඇත්තට ඔහේ හිතනවාද යාඕ පවුලේ හුරතක් දෝණි මෙහෙ ඇවිත් දෙවෙනි බිරිඳක් වෙයි කියලා? හිතනවා ද ඔහේ එහෙම? අපේ එකාට දැනටමත් ඉන්නවනේ කෙනෙක්, තවත් කෙනෙක් කොහොමද ගේන්නේ? තව දෙයක්, උන් දෙන්නා ආලයෙන් බැඳිලනේ ඉන්නේ ”  

“..........” චන් මැතිණිය මොහොතකට නිහඬ  වූවාය, ඉන් පසු ඇගේ දෑස් දැල්වූයේ යමක් මුමුණමින් ය, “ මේ අහන්නකෝ චන් ලොක්කෝ, මට පේන්නෙ අපේ පවුලට පිටින් කවුරුවත්ම ලුවෝ ශියෑන්ශියෑන් ගැනයි අපේ පුතා ගැනයි දන්නෑ...”

මද නිහැඬියාවකට පසු  චන් ඉඩම් හිමියා හිස් බැල්මක් හෙළුවේ සිය භාර්යාව පැවසූ දේ අර්ථය වටහා ගැනීමට පෙරය.

ඔහු මදක් ගැසී, අර්ධ වශයෙන් බියක් මුසු  අර්ධව වශයෙන් වූ උද්වේගයකට පත්විය

“ඔ-ඔබ අදහස් කළේ.....”

“කවුරුත් දන්නෙත් නැත්නම්, දීගයක් වෙලත්නෑ” චන් මැතිණිය පැවසුවා ය. “අපි මොනව හරි උප්පරවැට්ටියක් දාමු ඔය කෙල්ලගෙන් ගැලවෙන්න, ඒක හරි නොගියොත් තව එකක් කරමු, කියලා ඇහුවේ නැත්තම් බල කරමු, කවුරුත් දන්නේ අපේ පුතා තාම තනිකඩයි කියලා, මතකද ඔය කෙල්ල පොඩිකාලේ දොඩක් සොරා ගත්ත බව? අපි ඔය කතාවට ඇලිලා ඉද්දි ඇය කටවල් කීයකින් කතා කරත්, කවුද විශ්වාස කරන්නේ?”

චන් ඉඩම් හිමියා ද්වාරය වෙත ගොස් එය තදින් වසා ඇත් දැයි පරීක්ෂා කළේ ය, ඉන්පසු නැවත පසෙකට වූයේ ය. මොහොතකට පෙර සැවුළන් මෙන්  අඩ දබර වූ මේ දෙපල කුමන්ත්‍රන කිරීමටම එක්වූහ, කූට ලෙසට මුමුණන්නට වූහ.

“ඕක වැඩ කරයි කියලා මට හිතෙන්නෑ” චන් ඉඩම් හිමියා පැවසුවේ ය.

“මොකද නැත්තේ?”

 “අපේ පුතා ඕවට එකඟ වෙන එකක් නෑ, ඌ කුඩා කාලේ ඉදන් ලුවෝ ශියෑන්ශියෑන්ට  මනාපයි, නෝනට දැන් ඌ ඒ කෙල්ලට විරුද්ධ වෙනවා දකින්න ඕනෙ උනාට, මම හිතන්නෑ ඌ එහෙම කරයි කියලා”

චන් මැතිණිය මොහොතක් කල්පනා කොට චන් ඉඩම් හිමියාගේ හස්තයට මදක් තට්ටු කොට “අපේ මහත්තයා කලබල වෙන්න එපා, මම මේ ගැන බලාගන්නම්කෝ” ලෙස පැවසුවා ය.

කලක් ගතවීමට මත්තෙන් චන් මැතිණිය දැඩි ලෙස රෝගාතුර විය, එය අසාමාන්‍ය රෝගයක් විය; කුමක් සිදුවී ඇත් දැයි වෛද්‍යවරුන්ට ද සොයාගත නොහැකි විය.  එහෙත් ඇය දිනෙන් දින සිහි විකල් බවට එළඹ විලම්බීත තෙපලන්නට වූවා ය එමෙන්ම ඇය භූතාත්මාවේෂයකට  ලක්ව ඇති බවට ස්ථිර ලෙස එක එල්ලේ පවසන්නට වූවා ය.  

චන් ඉඩම් හිමියා රෝගය පිළිබඳව වධ වූවේ ය, ඔහු ඖචිත්‍යය තාඕවාදී  පූජකවරයෙක් හට පැමිණෙන ලෙසට ඇරයුම් කළේය. පූජකවරයා සිය දෑගිලි එකතු කරමින් පෙන්වා සිටියේ මෙම චන් පවුල තුළ චන් මැතිණියව රෝගී කරන යම් දෙයක් තිබෙනා බව වටහා ගත් අයුරින්ය. එය  බේරුම් කිරීමට නොහැකි වූවොත් ඇය එළඹෙන වර්ෂය වන තුරුවත් ජීවත් නොවන බවය.   

චන් බො’හුවන් පෞත්‍ර ස්නේහයෙන් කාංසාවට පත්ව විමසුවේ ය. “මොනවද අපේ අම්මට මෙහෙම වින කරන හේතු? ”

පූජකයා මදකට නිහඬ වී   මදක් ඇවිද  ගුප්ත මවාපෑමක් කොට “ඒ දිනමිණ නොදුටු රුවැතියක්”

සියල්ලෝම තැතිගැන්මකට පත්වූවෝ ය, චන් සොහොයුරෝ එකිනෙකා හැරී ලුවෝ ශියෑන්ශියෑන් දෙස බැලුවෝ ය.

ලුවෝ ශියෑන්ශියෑන් ද  තැතිගැන්මකට පත්වූවා ය.

බාල අවදියේ සිටම අන්‍යයෝ ඈට එවැනි බොහෝ දේ කීමට පුරුදුව සිටියෝ ය. ඇය අභාග්‍යසම්පන්න නවත්, උප්පත්තියේ දී ඇය සිය මව මරාගත් බවත්, ඉන්පසු පිළිවලට තම සොහොයුරාටත්, පියාටත් එසේ කළ බවත් ඔවුහු කියන්නට වූහ.

දැන් ඈ වෙතට යළිදු ඇඟිලි එසවුණේ සිය නැන්දම්මාත් මරාගැනීමට යන්නියක් ලෙසින් ය.   

පීඩාවට පත්විය, චන් සොහොයුරන් ඈ වෙතට හැරී හඬ  අවදි කළේ පිටස්තර කිසිවෙක් ඇය විවාහක බව නොදන්නා හෙයින්, ඇගේ කීර්තියට කැළලක් නොවන බැවින් ඔවුන් දීමට බලාපොරොත්තු වන යම් මුදලත් රැගෙන  පිටවන ලෙස පවසමින් ය, එහෙයින් ඇයට පවුලක් සොයාගැනීමට ද හැකි යැයි පවසමින් ය.

ලුවෝ ශියෑන්ශියෑන් කාන්සාවට සහ භීතියට පත්වූවේ චන් මැතිණිය හට වින කරන ශාපය ඇයම වන බව සිතමින් ය. ඇය දවසින් දවස සෑම දිනකම අඩන්නට වූවා ය.

ඔහුගේ මෑණියන් දිනෙන් දින දුර්වල වන අයුරු  දැක දැක, චන් බො’හුවන්ගේ හද රිදුම් දෙන්නට විය, ඔහු කතරක් මැද අතරමං වූවා මෙන් විය, ඔහුට ලුවෝ ශියෑන්ශියෑන් හැර යන අයුරු දැකීමට ද නොහැක. එනමුදු ඔහුට සිය මෑණියන් දුක් විදීමට දීමට ද අවැසි නැත. ඔහු ද කඩා වැටුණේ ය.

අවසානයේ, චන් සොයුරන්ගේ ඉවසීමේ සීමා මායිම් පසු කළේ ය. දිනක් වැඩිමල් සොයුරා නොමැති විටක ඔවුහු සිය නෑනණ්ඩිය සොයා ගියහ. ඔවුන් ඇයව සොයා ගන්නා විට ඇය හරිතාගාරයේ සියක් සමනොළ ධූපය සාදමින් සිටියා ය. ඔවුහු කඩා වැදී උපකරණ සුනු විසුණු කළෝ ය, ඇය පුයර වලින් වැසී සියා ය. එය ඇගේ අස්ථි තුළට කාවැදීමට තරම් බලයෙන් වැඩි සුවඳකි, එය ඉවත් කිරීම ද නොහැක්කකි.

සොයුරන් ඇයව වට කර ගනිමින්  . “ස්ත්‍රීන්ගේ කාර්යයන්” මේවා ය, “භාර්යාවට ප්‍රථම මව්පියන්” ඒවාය ලෙසට  සිදත් දේශන දෙන්නට විය. ලුවෝ ශියෑන්ශියෑන්  ප්‍රත්‍යාස්ථ විය, බයාදු ලෙසටම මුරණ්ඩු ද විය, හඬන්නට ද විය ඇයට යෑමට අවැසි නොවිය, අනෙක් මාර්ගයකින් විසඳුමක් ගැන සිතන මෙන් ඇය ඔවුන්ගෙන් අයදින්නට වූවා ය.  

දෙවෙනි චන් කෝපාවිෂ්‍ට වූවේ ය. ඔහු ඇයට අතුල් පහරක් එල්ල කළේ ය. “උඹ වින්නැහි වල අග්‍රදූතිකාව, තී මගේ අම්මට මැරෙන්න සාප කළා නේද! තව විකල්ප තිබුණා නම් බොගේ අප්පොච්චා මැරෙයි ද? බොගේ මෑණියන්? බොගේ අයියණ්ඩි? උන්නද මලාද කියලවත් හොයන්න පුළුවන් ද?”

ඔහුගේ එක පහරකින් අනෙකුන් ද පන්නරයක් ගෙන අසළට පැමිණ ඇයට පහර පිට පහර දෙමින්, පා පහර දෙමින් කෑගසන්නට වූයේ “මෙහෙන් මකබෑවිලා පල” “කාලකණ්ණි එකී” “මාර දූතිකාව”

මේ සොයුරන්ගේ මනසේ දුවන්නට වූයේ සිය මෑණියන් ගැනය, එමෙන්ම ඇගේ සැලසුම පිළිබඳව කලක සිටම සිතා සිටියහ. සිය වැඩිමල් සොයුරා නිවසේ නොසිටීමෙන් වාසි ගත්හ, ඔවුන් එකට එකතුවී ලුවෝ ශියෑන්ශියෑන් පන්නා දැමීමට ක්‍රියා කළේ ඇය ආපසු ඒමට තරම් ධෛර්යවන්ත වූවහොත් ඇයට සෑමදාම පහර දෙන ලෙසට තර්ජනය කරමින් ය__ඇයට පවුලක් ද නොමැත, ඔවුන් ඇයට මිය යන තෙක් පහර දුන් විය කිසිවෙක් ඇයට යුක්තිය ඉෂ්ට කිරීමට වද නොවන්නේමය.

එම රාත්‍රියේ, හිම වැටෙන්නට ද විය. ලුවෝ ශියෑන්ශියෑන් හිම මතට පතිත වූවා ය, ඇගේ මුළු ශරීරයම නිල් සහ දම් පැහැයෙන් වැසී තිබුණි; ඇගේ පාවහන්ද වැටිණ.

මරණය අබියස සිටින සත්තවයෙකු මෙන් ඇය හඬමින් , සුසුම් සිරවෙන තරමට ඉකිගසමි බඩගාමින් සෙමින් සෙමින් ඉදිරියට ඇදී ගියා ය.

රෑ බෝවීමට පටත් ගත් වනම මෙලෙස හිම පතනට වන සිටම සියල්ලෝම නිවෙස් තුළට වී සිටින කලෙක ඇය නිමක් නැති හිම මතින් බඩගාමින් සිටියේ කොහේ යන්නද , කොහේ ඇයට යා හැකිද යන්නත් නොදැනය.

චන් සොයුරෝ නිවැරදි වූහ.

ඇයට පවුලක් නොමැත, මවක් නැත, පියෙක් ද නොමැත, සොයුරෙක් ද නොමැත, වෙනුවෙන් ඉදිරිපත් වීමට කිසිවෙක් නැත, ඉදුම්හිටුම් රැකවරණය දීමට කවුරුත් නැත.  

ශරීරය  දුර්වල වී ඇත, ඇය පිටවූ මොහොතේ සරිලන තරම් වස්ත්‍රයන් ද හැද නොසිටියා ය, වෙවුලන්නට විය, පාද සහ පතුල් විගසින් හිරි වැටී ගොස් සංවේදයෝ නැතිවී ගියෝ ය.   

ඇය නගරය අසළට බඩගාගෙන ආවා ය, අවතාරාධිපතිනියගේ දෙවොලට , වාසස්ථානයක් සොයාගෙන ඇතුළට සපැමිණියා ය, සීතලෙන් ඇගේ දෙතොල් නිල්ව ගොස් තිබුණි, ශෝකයෙන් හද ද සිහිල් ව තිබුණි.

ඇය මැටියෙන් තනන ලද විභූතිමත් ඉටි රුව දෙස හිස ඔසවා බැලුවා ය ඇයට හොරා කඳුළු ඇගේ දෙකොපුල් දිගේ ගලා බැසිණ. පහළ ධ්‍යානවේදී ලොවේ වූ චාරිත්‍රයක් පිළිබඳව ඇගේ සිහියට නැගුණි. එනම් උත්සවන්ට අධිපති වූ අයෙක් විසින් විවාහ මංගල්‍යයන්ට සාක්ෂි දැරිය යුතු බව.

යටගියාවෙදී, ඇය ද රත් පැහැ පුෂ්පයක් කනෙහි අඟ රදවාගෙන සිනාසෙමින් චන් බො’හුවන් ඉදිරිපිට  නැමී ආචාර කළා ය.

වැසුණු ද්වාරයකට මුවා වී ලොවට හොරා උත්සවාකාරයෙන් සැමරීමම ස්වප්නයකට වැඩි යමක් නොවන මෙන් ය, ඇගේ මුහුණ තඹ කැඩපත ඉදිරිපිට ලැජ්ජාවෙන් රතු වූයේ කලක් පුරාවට මුල් බැසගෙන තිබූ චින්තනයක් ඉපැදි දිනක් විය.

ඇය අවතාරාධිපතිනියගේ පිළිරුව ඉදිරිපිට දණ ගසාගෙන සිය ගල් ගැසුණු සිරුර කෙමෙන් කෙමෙන් දැඩි වනවාත් සමඟම කදුළු මුසුව ශබ්ද නගා සිනාසෙමින් දිගින් දිගටම වැද ආචාර කළා ය.

“කේශ ගැට ගසා පති පතිනි වූහ, වෛවාහිකව  බැදුණු ප්‍රේමය සැකයක් නොවීය. ප්‍රමෝදය..මේ සන්ධ්‍යාවේ...”

ඇයට ක්ලාන්ත කැරකිල්ල පැමිණ  දර්ශනය බොඳ වන්නට විය

සඳ රැස් හි දීප්තියෙන් මිරිඟුවක් මෙන් දිස් වූ ඒ වර්ෂයේ, ඈ ගෙමිදුලට වී  “ඒ මම නෙමෙයි, ඒ මම නෙමෙයි , මම දොඩම් සොරකම් කළේ නැහැ” ලෙස කියමින් හැඬුවා ය.

කටකතා පැතිරුණත් , ඒවා භයංකර වූවත් , අහස පොළව ගැටුණත් කිසිවෙක් ඈගේ කතාවට සවන් නොදුන්හ, විශ්වාස නොකළහ.

ඇය දනියි  දැන් වූවත්  ඈ මිනිසුන් වෙත ගොස්  කෙතරම් හැඬුවාත්, බිම වැතිරී දිවුරුවාත් ඇය  චන් බො’හුවන්ගේ  විවාහක බිරිඳ බව පවසමින්  දිවුරුවත්, කිසිවෙක් ඈ විශ්වාස නොකරති. ඇය තවමක් කුඩා බිත්තියට මුවා ව සිටි කිසිවෙක් ඇහුකම් නොදෙන කුඩා දැරියම විය, යටගියාවේ වූ සෙයින්ම.

කිසිවක් වෙනස්ව නොමැත.

එහෙත් එම මොහොතේ යමෙක් තාප්පය නැග එයින් බැසවිත් ඇයට මන්තොව් වත් අහරට ඇගේ හස්තය මත තබා “ඔබට කුසගිනි ඇති, ඉක්මනින් කන්න” ලෙසට වත් පැවසූහ.

එහෙත්....කෝ ඒ අය දැන්....

ඔහු ආපිට පැමිණි පසු ඔහුට ඈව සොයාගත නොහැකි වූ විට ඔහු කණගාටු වේවි  ද එසේ නැත්තම් රහසින්  සැනසුම් සුසුම් හෙළාවී ද තවදුරටත්  සිය මෑණියන් වින කරන්න ශාපයක් නොමැති හෙයින්?

ලුවෝ දෙවොල තුළ ශියෑන්ශියෑන් සීතලෙන් ගුලි වූවා ය, හෙළූ කඳුලු කෙමෙන් කෙමෙන් වියළිණ. ඇය කොඳුරන්නට විය “උත්සවයන්ට අධිපති වූ අවතාරාධිපතිනියණි , මට ඔහු සමඟ සිටීමට අවශ්‍යයි, මා ඔහුගේ බිරිඳ.....කිසිවෙක් අපේ විවාහය දුටුවේ නැහැ....ඔබ අවතාරාධිපතිනියයි, ඔබ ජීවත් වන මිනිසුන් සමඟ ගනුදෙනු නොකරහි, නමුත් මට.... මට හැකි...මට හැකි එකම දේ ඔබට කතාකිරීමයි”

අවසන් වදන් ඇගේ මුවින් පිටවූයේ කැඩීගිය ඉකි බිඳීමත් සමඟය. “මම මුසාවක් නොකළෙමි”

මම මුසාවක් නොකළෙමි

නිසොල්මන් නිශාවේ නිහඬවම හිමපතනය නොනිමි විය.

පසු දින, දෙවොල පසු කර යන නුවර වැසියන කිහිප දෙනෙක් හට ලුවෝ ශියෑන්ශියෑන්ගේ හිම මෙන් මිදුණු සිරුර හමුවිය.

 

කතු වදන :

චූ වන්නිං : මගේ මාර්ගය අවහිර නොකරණු, වංශ ප්‍රධානීතුමා මගෙන් විමසුවත්,  මට ඉඩ දෙනු ඔය පවුලම මරා දමන්නට

මෝ වෙයියූ 🐟 : (අදිමින්) උතුමානෙණි, සන්සුන් වන්න, උතුමානෙණි අර අසුනෙන් වාඩි වෙන්න.

 

T/N

චන් ලොක්කා  =  老陈 (Lǎo chén) /ලාඕ චන් , Old Chen , වයසක චන් වගේ ඍජු ලෙස පරිවර්තනය වූවත් මෙය වියපත් අයටම පවසන ආමන්ත්‍රණක් නොවෙයි මේ නමට මුලින් “老 (Lao)” ලෙස පැවසීම , එය ජ්‍යෙෂ්ඨත්වය අරමුණු කරගෙන පැවසිය හැක, වියපත් අයටත් කිව හැක, නැතිනම් ඉතා සමීපතමයන්, සමීප කුලුපග මිතුරන්ගේ පෙළපත් නමට පෙර ද ආමන්ත්‍රණය් ලෙස පැවසිය හැක උදාහරණක් ලෙස ඔබට Zhang Nan , Xue Lang ලෙස මිතුරන් සිටී නම් ඔබට හැක ඔවුන්ට Lao Zhang , Lao Xue ලෙස ඇමතීමට, චීන පෙළපත් නම පැමිණෙන්නේ නමේ මුලට , ලංකාවේ වගේ නම්  Sandun Silva  යන නම ඇති මිතුරෙක් සිටීනම් ඔහුට ඇමතීමට වන්නේ Lao Silva ලෙසය.

 

කේශ ගැට ගසා පති පතිනි වූහ = මනාලයා සහ මනාලිය එහිනෙකාගේ හිසකෙස් ගැට ගැසීම චීනයේ එක් සාම්ප්‍රධායික විවාහ චාරිත්‍රයකි.

Previous | TOC | Next