අමන හස්කි බලු පෝතකයා සහ ඔහුගේ ස්වේත බිළාල ඇදුරාණන් | දහතුන්වන දිගහැරුම : මේ උත්තමයාණන්ගේ මනාලිය

සැබැවින්ම මෝ රන්ගේ අර්ථ නිරූපණයට පෙර  සිටම චූ වන්නිං එය දැක සිටියේ ය.

අමුත්තෝ ප්‍රිය සම්භාෂණයේ යෙදිමින් සිටියෝ ය. එහෙත් හඬවල් ඇසෙනුයේ කොයි දිශාවෙන් ද යන වග නිශ්චිතවම කිව නොහැකි විය. මිනිස්සු සිට ගනිමින්, අසුන් ගනිමින්, ක්‍රීඩා කරමින් හෝ සවුදිය පුරමින් සිටිය නමුත් කඩදාසියෙන් තැනූවක් මෙන් ඔවුන්ගේ මුහුණු සම්පූර්ණයෙන්ම පාහේ හිස් විය.

“මොනවද අපි දැන් කළ යුතු වන්නේ, එතැනට ගොස් ඔවුන් සමග සවුදිය පිරිය යුතුය කියලා නම් කියන්න එපා ”

මෝ රන්ගේ අසාර්ථක විහිළුව කෙරෙහි චූ වන්නිං හට සිනහ පහළ නොවූවේ ය. එමෙන්ම අත ළඟ ඇති ගැටළුව කෙරෙහි අවධානය යොමු කළේ ය. ඔහු සිතූ පරිද්දෙන්ම හිස පහත් කළේ ය.

එක් ක්ෂණයෙන් විසිරුණු අඩි ශබ්දයෝ දුර තියා සවනට එන්නට වූහ, දිගු පේළි දෙකකට සෑදී සිටි මිනිසුන් පෙරහැරක් ලෙසින් සමූහයක් බංගලාව වෙතට ඇදී යන අයුරු  මීදුම අතරින් දිස් වන්නට විය.

චූ වන්නිං සහ මෝ රන් සීරුවෙන් උද්‍යානයෙහි වූ විසල් පර්වතය පිටුපසට සැගවීමට මුවා වුණි. සුපැහැදිලි වර්ණවත් මුහුණෙහි අංගයන්ගෙන් හෙබි මදහස පාමින් සිටින ජින් තොං සහ යූ න්‍යූ පෙරමුණ ගෙන සිටි  පේළීන් ළගා වන්නට විය; මන්දාලෝකයෙන් යුක්ත වූ රාත්‍රියේ ඔවුන් පෙනී ගියේ හරියට පුළුස්සා මරා දැමීමට  නියමිත  කඩදාසි බෝනික්කන් වන පිරිමි ළමයෙකු සහ ගැහැණු ළමයෙකු විලසිනි.

ඔවුන් සියල්ලෝම රත් පැහැ ඉටි පන්දමක් රැගෙන සිටියෝ ය; ඔවුන්ගේ හස්තයන් මෙන්ම ඉටි පන්දම් ද ඝනකම් විය, එය එකට වෙළී සිටින මකරෙකු සහ ෆීනික්ස් පක්ෂියෙකු ගෙන් සරසා තිබුණි එමෙන්ම ඒවා  ඇවිලීමත් සමගම සායි දියේ නගරයෙහි පුයර සුගන්ධයද හඹා එයි. එම සුගන්ධය හෙයින් මෝ රන් සිහි විකල් වීමට ද ආසන්නව සිටියේ ය. නමුත් තුති වන්නට චූ වන්නිං විසින් කරන ලද ඇනුම් වේදනාව ඔහුව සිහියෙන් තැබීමට රුකුල් විය. ඔහු නැවත වරක් තුවාලය මතට ඇන්නේ හොඳ උපායක් ලෙසටය.

චූ වන්නිං ඔහු වෙතට බැල්මක් හෙළුවේ ය.

මෝ රන්: “අම්! ඒක හරියනවා”

ඔහු මදක් නවතා නැවත අසන්නට වූවේ ය, “ඇදුරුතුමනි! ඇයි ඔබතුමාගේ සිහිය තබා ගැනීමට ඔබතුමාගේ ඇඟට ඇනගෙන  හිල් හදාගන්න අවශ්‍ය නැත්තේ?”

චූ වන්නිං: “මේ සුගන්ධයෙන් මට කිසිදු බලපෑමක් නැත”

“ආ! ඇයි නැත්තේ?”

තුෂර වූ වාතලය මතින් චූ වන්නිං, “මගේ ධ්‍යානවේදී පදනම බොහොම ශක්තිමත්”

මෝ රන්: “........”

ජින් තොං සහ යූන්‍යූ පෙරටු කරගෙන ද්විත්ව පේළීන් පියසැරිය පියගැට මතින් ඇවිද ගියහ. චූ වන්නිං ඔවුන්ව නරඹමින් දෙස බලා සිටි වනම “හ්ම්?” යනුවෙන් පවසන්නට විය.

ඔහු විශ්මයට පත්වනුයේ කලාතුරකිනි; මෝ රන් ද කුතුහලයෙන් යුතුව ඔහුගේ බැල්ම හඹා ගියේ ය එමෙන්ම මවිතයට පත්වූයේ ය. එම පේළීන් නිර්මාණය වී ඇත්තේ ශව වලිනි. ඔවුන්ගේ මුහුණු මත ජීවය රදවා තිබුණ ද දෙනෙත් පියවී වතම මැරුණු සුදු මැළි බවක් ගෙන තිබුණි. ඔවුන් ගමන් කළ විලාශයෙන්ම පැද්දෙන්නට විය. ඔවුන්ගෙන් බොහෝ දෙකෙන් තරුණ විය, කාන්තා පුරුෂ දෙපාර්ශවයම  විසිවෙනි වියට නොඅඩු විය යුතුය, එමෙන්ම ඔහුන්ගේ කැලිසේයාව බෙහෙවින් හුරු පුරුදු විය___

මින්පෙර ශවභාජනයේ සිටි  වැඩිමහලු චන්-ගොංස ද  කෙලෙසින් හෝ පෙරහැරෙහි සිටින අයුරු ද  දිස්විය. එමෙන්ම අරුම සුගන්ධය කවා තිබූ ඉටි පන්දම් පිටුපස තම නෙත් වසාගෙන ඇවීද ගියේ ය.  අනෙකුත් සියළු දෙනාම පේළියේ යුගලයක් බවට පත්ව සිටි නමුත් ඔහු එයින් වෙනස් විය. ඔහුට පසෙකින් සිටියේ පුද්ගලයෙකු නොව, කඩදාසියෙන් තැනූ අවතාර මනාලියක විය.

චන්-ගොංස ප්‍රමාණවත් නොවූවහොත් පෙරහැර තව වැඩි වෙමින් පේළියෙහි අවසානයේ සිටින මිනිසුන්ව ඔවුහු දුටු විට, එම පැහැය මෝ රන්ගේ මුහුණ මතට ද පතිතවී පෙරී යයි.

ෂ මෙයි සහ චන් යාඕ ද හිස එල්ලා වැටෙමින් තිබිය දී එම මළ සිරුරු පිටුපසින් ගියෝ ය. ඔහුන්ගේ නෙතු පියවී , මුහුණ සුදුමැලි වී , නිසැකවම ඔවුන් ඉදිරියේ වූ මළසිරුරු ගමන් ගන්නා අයුරුන්ම ඇවිද ගියෝ ය. ඔවුන් ජීවතුන් අතර ද යන වග කීමට පවා නොහැකි විය.

මෝ රන් වියරු වැටීමට ආසන්නව සිටියේ ය. ඔහු ඉදිරියට පනිමින් සැණින් එහි දිව යෑමට පරිශ්‍රමයක් දැරුවේ ය, එනමුදු චූ වන්නිං ඔහුගේ උරහිසෙන් අල්ලා ඔහුව නවතාලිය. “ඔහොම ඉන්න”

“එහෙත් ෂ මෙයි__”

“මම දනිමි” චූ වන්නිං විමසිල්ලෙන් පේළිය දෙස බලමින්  කොදුරන්නට විය “කලබල නොවන්න, අර බලන්න, අතන බල ගැන්වූ බාධකයක් තිබේ, ඔබ කලබල වූවෝතින්, එය විලාප තැබීම අරඹයි, එසේ වුවොත් අපේ සැලසුම් වතුරේ යාවි මුහුණු නොමැති අවතාර එක්වී එක් නිමේෂයකින් අංගණයේදී අපට පහර දේවි”

චූ වන්නිං  බාධක තැනීමට අති දක්ෂයෙක් වූයේ ය; එම බාධකයන් යෙහෙන් සවිමත් විය එමෙන්ම ඔහුගේ දෙනෙත් තියුණු විය, මෝ රන් එදෙස බලමින් සිටියේ ය, සැබැවින්ම පිවිසුමෙහි විනිවිද පෙනෙන මෙන් වූ සළුවක් අංගණයට පැමිණීමට ඇති පිවිසුමෙහි තිබෙන අයුරු දුටුවේ ය

ජින් තොං සහ යූ න්‍යූ අංගණය ඉදිරිපිටට පැමිණි විගසින් ඔවුන් අල්ලාගෙන සිට ඉටිපන්දම් වලට මෘදුව පිඹ ගිනිසිළුව තවදුරටත් උග්‍ර කළෝ ය, ඉක්බිතිව බාධකය මගින් කෙමෙන් අංගණය වෙතට පිවිසියෝ ය.

ඔවුන්ට පිටුපසින් අයෙක් පිටුපසින් තවකෙකු විලසින් බාධවකින් තොරව බාධකය මතින් ස්ත්‍රීන් සහ පුරුෂයින් ගමන් කළෝ ය. ඇතුළෙහි වූ සවුදිය පුරමින් සිටි මුහුණු නොමැති  මිනිසුන් ඔවුන් පිවිසෙන අයුරු දුටු විගසින් ඒ වෙතට හැරී ප්‍රීති ඝෝෂා නගමින් අත්පොළසන්නාද  දුන්නෝ ය.

චූ වන්නිං හඬ අවදි කළේ ය “යමු, ඔවුන්ව හඹාගෙන යමු, ඔබ බාධකය තරණය කරන විට  ඔබගේ ඇස් වසාගන්න, හුස්ම නොගන්න. මළසිරුරු කරන දේම අනුගමනය කරන්න කුමකින් කුමක් සිදුවූවත් සැබැවින්ම කෙසේ හෝ  කතා නොකර සිටින්න”

මෝ රන් සිටියේ ෂ මෙයිව මුදවා ගැනීම පිළිබද කණස්සල්ලෙන් පසුවූවේ ය. එමෙන්ම අනෙකාට තවදුරටත්  කිසිවක් පැවසීමා ඉඩ දීමට වුවමනා නොවිය. ඔවුන් දෙදෙන ශවයන් සමූහය අතරට ලිස්සා ගියෝ ය.

පෙළෙන් පෙළට එක සමානව බෙදෙන සේ මළසිරුරු සිටියෝ ය. චූ වන්නිං ෂ මෙයිට පිටුපසින් තම ස්ථානය ලෙස තෝරාගෙන් සිට ගත්තේ ය, එමෙන්ම පෙළට අනුකූලව මෝ රන් චන් යාඕට පිටුපසින් සිටගත්තේ ය.  පෙරහැර වේදනාබර අයුරින් සෙමින් පියවර තබමින් ඇදුණේ ය. මෝ රන් ෂ මෙයි දෙස බලමින් සිටියේ ය, එහෙත්  දැක ගත හැකිවූයේ ඔහුගේ මුහුණෙහි පැත්තක් පමණි, හිම මෙන් සුදු ගෙන ආධාරකයක් නොමැතිව ඒමේ අත එල්ලා වැටෙමින් තිබුණි.

අවසානයේ ඔවුහු බාධකය වෙත ළඟා වූවෝ ය. ඔවුන් දෙදන බාධකය පසුකරන තෙක් හුස්ම රදවාගෙන සිටියෝ ය. අංගණය පිටතින් පෙනෙනවට වඩා ඇතුළතින් විශාල විය. පහන් කූඩු සහ වර්ණිත ධජ වලින්  වලින් සරසන ලද  දෙමහල් බංගලාවට අමතරව , අංගණයේ පැතිකඩකින් කුඩා කුඩා කුටි  එක පොදියට තනා තිබුණි. එම සියලුම කුටි වල කවුළුවලින් ලෝහිත පැහැයෙන්  ශී අක්ෂර විශාල ලෙස දිස් වූ අතර , ද්වාරයන් වල රත් පැහැ පහන් කූඩු එල්ලා තිබුණි.

රතිඤ්ඤා ශබ්දය  සහ හොරණෑ නාදය ඇසුණු විගස මුහුණු රහිත සියළු අමුත්තෝ සිටගත්තෝ ය.

මුහුණු රහිත උස්සව කටයුතු සිදුකරන නිලධාරියෙක් ගීත භාෂණයක් මගින් නිවේදනය කළේ ය. “මනාලයෝ සහ මනාලියන් මේ සුභ මොහොතින් පිවිසුණෝ ය.”

මෝ රන් මවිතයට පත් වෙමින් “කදිමයි! පේළියට සිටි ශවයෝ මනාලයෝ සහ මනාලියන් ද?”

ඔහු උදව් පැතීමට සැණින් චූ වන්නිං දෙස බැලුවේ ය, නමුත් තම සිතුවිලි වල අතරමං වූවාක් මෙන්  බෙයිදෝව් අමරණීයයාගේ දෙබැම තදින් හැකිළී තිබුණි, ඔහු මෝ රන් දෙස එකදු බැල්ලමක් හෙළීමටවත් වෙර නොදැරුවේ ය.

මෝ රන් හට සිතුණේ සිය මාමණ්ඩියගේ ප්‍රයත්නයන් නොමග යැවූවක් මෙනි; කන්දෙන්  පහළට ගොස් ගුරුවරයෙක් කැටුව නොයා කරන යමක් කරනවාට  වඩා  සිය ගරුත්වයට හානි පමුණුවන  ගුරුවරයෙකු සමග ගොස් ප්‍රායෝගික අද්දැකීම ලබා ගැනීම.

සැණින් සිහින් හඩින් සිනාසෙන රතු හැදගත් පීතත පටි වලින් වරලස ගැට ගසා සිටි  ළමුන් පිරිසක් උද්‍යානය වෙතට වේගයෙන් දිව ආවෝ ය.  කුඩා මත්ස්‍යයින් මෙන් ඔවුහු පේළි දෙකකට වී සිටි මිනිසුන් අතරට මැදි විය. දෙපසෙහි පිහිට කුටි වලට ඔවුන්ගෙන් කෙනා බැගින් කෙනා පුද්ගලයෙක්ව ඇදගෙන ගියෝ ය.

කරකියා ගැනීමට දෙයක් නොමැතිව මෝ රන් තම වදන් චූ වන්නිං වෙතට යොමු කළේ ය: “ඇදුරුතුමනි, කුමක් ද කළ යුත්තේ ?”

චූ වන්නිං සිය හිස හරවා ඉදිරියෙහි වූ ගැහැණු දරුවා සහ පිරිමි දරුවා පිටුපස යන  මළ සිරුරු පෙන්වූවේ ය. ඔහුයේ ව්‍යංගාර්ථය සුපැහැදිලිය_ඔවුන් සමග යන්න

අන් විකල්පයක් නොමැති තැන මෝ රන්  කොන්ඩේ මුඳුන් ගැටය ගසා ඇති ඔහුව රැගෙන යන පිරිමි දරුවාගේ පිටුපසට වැදී කුටි වලින් එකකට පිවිසුණේ ය. ඔවුහු ඇතුල් වූ පසු, පිරිමි ළමයා තම අත වනා දොර වසා දැමුවේ ය.

මෝ රන් පරීක්ෂාකාරීව ළමයා දෙස බලා සිටියේ  මෙම වතක් රහිත කුඩා අවතාරය තමාට කුමක් කරන්නේ ද යන්න සිතමින්ය.

පෙර භවයේ දී  චූ වන්නිං මායාන්විත භුවන කඩාදමමින් ෂ මෙයිව තනිවම බේරා ගත්තේ ය. මෝ රන් හට කිරීමට දෙයක් නොතිබුණේ ය, නපුර ද විනාශ වී ගියේ ය. ඉන්පසුව ඔහු චූ වන්නිංගේ විස්තර කිරීම් කෙරෙහි සවන් දීම විනා  ෂ මෙයිගේ දෙතොල් වල රසය පිළිබද වූ කල්පනා සාගරයක ගිලී සිටියේ ය.

තත්ත්වය වෙනස්ව ඇත්තේ එම නිසාය, මීළගට සිදුවන්නේ කුමක් ද යන්න පිළිබදව ඔහුට කිසිදු අයුරකින් අදහසක් තිබුණේ නැත. ඔහුට ඉතිරිව ඇත්තේ එන දේකට මුහුණ දීමටය.

ආලේපන ද්‍රව්‍ය තබන මේසයක් සහ කැඩපතක් එහි විය සහ සංකීරණව අලංකාරව කළු සහ රත් පැහැයෙන් ගෙත්තම් කළ මංගල ඇඳුමක් එහි වූ රාක්කයක පිළිවෙලකට එල්ලා තිබුණි.

දරුවා මෝ රන් දෙස බලා  බංකුව මතට තට්ටු කරමින් එහි අසුන් ගන්නා ලෙසට ඉඟි කළේ ය.

එම අවතාර එතරම්  පැහැදිලි නොමැති බවට මෝ රන් හට පෙනී ගියේ ය. සැබැවින්ම අමනය. ඔහු සිය හඩ අවදි නොකරන තෙක් ඔවුනට ජීවත්ව සිටින්නන් මළවුන්ගෙන් වෙන් කර හදුනා ගැනීමට නොහැක. ඔහු මේසය ඉදිරි පසින් ඍජුව අසුන් ගත්තේ ය, දරුවා ඔහු වෙතට ස්නානය කොට වස්ත්‍ර මාරු කිරීමට සහය වීමට පිය නැගුවේ ය.

සැණින් හයිතං මුකුලයක් කවුළු දොරන්  පාවී විත් සෙමින් ජලය තිබූ බදුන මතට වැටින

මෝ රන්ගේ දෙනෙත් දීප්තිමත් විය. එම හයිතං කුසුම රෑ අහසේ උදුල තරුව යූහං ලෙස හැදින් විය හැක, එය චූ වන්නිං විසින් භාවිතා කරන විශේෂ වූ රහස්  සන්නිවේදනයකි

ඔහු  එම කුසුම බදුනෙන් ඉවතට ගෙන සිට අල්ල මත තබාගෙන් ක්ෂණයෙන් දිග හරින විට සියුම් රන්වන් පැහැ ආලෝක ලේශයක් එහි මැදට වන්නට විය.

ඔහු තම දෑඟිලි මැදට එම ආලෝක ලේශය ගෙන එය සිය කන මත තබා ගත්තේ ය. ඇතුළතින් චූ වන්නිංගේ හඩ ඇසෙන්නට විය.

“මෝ රන්, මම තියෑන්වන් භාවිත කරමින් සැබැවින්ම මෙම මායාන්විත භුවන පිහිටු වන ලද්දේ සායි දියේ නුවර උත්සවයන්ට අධිපතිනිය වූ අවතාරාධිපතිනිය යන වග තහවුරු කර ගත්තෙමි. එය වර්ෂ සියයක ගම් වැසියන් විසින් ලද සුගන්ධ පූජාවලින් ලද සත්‍ය දිව්‍යමය භාවයකින් කළමනාකරණය කරන ලද බලයකින් පිහිටුවන ලද්දකි, සියලුම භූතයින්ගේ විවාහයන් එය ශක්තිමත් කරයි, එහෙයින් එය මංගල්‍යය ප්‍රමෝදමත් කිරීමට මුලසුන දරයි,  මෙම පේළියට සිටින ශවයන් සායි දියේ නුවර සියවස් දෙකකට පෙර විවාහ මංගල්‍යයන්ට සාක්ෂි දැරූ අවතාර යුවලයන් විය හැක. මෙය සතුටු වීමට කරුණක් වූ හෙයින් , ශවයන් යළිත් මායාන්විත භුවනට කැදවමින් යළි යළිත් එයම කිරීමට අනුබල දී සෑම විටකම  වඩ වඩාත් ශක්තිමත් කරයි.”

මහ විකාරරූපියෙක්!!__මෝ රන් සිතුවේ ය.
අනෙකුත් දෙවිවරුන්ට අලස බවක් දැනුනෝතින්  ඔවුන් තරුණයින් සහ තරුණියන්වත් හට කපුකම් කරාවි. එහෙත් මෙම  උත්සවයන්ට අධිපති වූ අවතාරාධිපතිනිය අමුතුම ආකාරයේ තැනැත්තියක්; එයට දිව්‍යමය සිරුරක් තිබුණාට , විනෝදාංශයක්  ලෙස මළසිරුරු වලට කපුකම් කරනුයේ   හිස වැඩි දියුණු කර ගැනීමට එයට අමතකව ගිය නිසා විය හැක, වරක් දෙවරක් නොව ඔවුන්ව සොහොන් වලින් කැදවා සෑම රත්‍රියකම යළි යළිත් එයම කරවයි.

මෙම මළසිරුරු සුරාවෙන් පිරි රතී කෙළියක්වත් ද මෙයටම ඇළී ගැලී සිටීමට තරම්.
අවිවාහක තනිකඩ දේවතාවිය, මහ උමතුවක්

චූ වන්නිං: “එයට සැබෑ සිරුරක් නොමැත, අපරික්ෂාකාරීම හැසිරෙන්නට එපා, ජින් තොං සහ යූ න්‍යූ ව අනුගමනට කරන්න, භූතයින්ගේ විවාහයෙන් ශක්තිය අවශෝෂනය කර ගැනිමට  එය පුද්ගලයෙක් ලෙස පැමිනේවි”

මෝ රන්ට ෂ මෙයිට කෙසේ ද? ඔහු හොදින් ද යන්න විමසීමට අවැසි විය.

“ ෂ මෙයි ගැන කරදර වීමට අවශ්‍ය නැහැ. ඔහුත් , චන් ආර්යාවත් දෙදෙනාම පුයර හෙයින් තාවකාලිකව සිහිසුන්වයි සිටින්නේ”. චූ වන්නිං විශිෂ්ට විය, මෝ රන් ඇසීමට සිතන සියල්ල පිළිබදව පූර්වාපේක්ෂා කර සිටියේ ය. “ඔබ  ප්‍රවේෂම්වන්න, මම සියල්ල ගැන බලාගන්නෙමි”

එම කටහඬ වියැකී ගියේ ය.

එම මොහොතේම දරුවා මෝ රන්ගේ වස්ත්‍රය හැඩගැන්වීම නිම කළේ ය. කැඩපත මත පතිතව ඇති ඔහුගේ ප්‍රතිබිම්බය කඩවසම් වූයේ ය; මුවග ස්වභාවයෙන්ම උඩු අතට නැමී තිබුණි. ඔහුගේ මුහුණේ අංගයන් සුපැහැදිලි මෙන්ම නිර්භීත බවෙන් යුතු විය. තද රත් පැහැයෙන් යුත් අඳුම් කර මනාව පිළිවෙලකට නැවී තිබුණි. ඔහුගේ දිගු වරලස ස්වේත වර්ණිත පටියකින් බැද තිබුණි, ඔහු අවතාර මනාලයින්ගෙන් අයෙක් ලෙස පෙනී ගියේ ය.

දරුවා ඇරයුම් කිරීමෙහි ඉඟියක් පාමින් කිරි කිරි ගාන හඩින් දොර විවර කොට තදින් වසා දැම්මේ ය.

ස්ත්‍රින් සහ පුරුෂයින් දෙපාර්ශවයෙම මළ සිරුරු මංගල ඇදුමින් සැරසී ගෘහාභ්‍යන්තර මාර්ගයේ සිටගෙන සිටියෝ ය. පෙනී යන අයුරින් නම් මෙම උත්සවයන්ට අධිපති වූ අවතාරාධිපතිනියට වත් එහි මැටි මොළ වලටවත් කිසිවක් නොතේරෙන හැඩයි , එය අහම්බෙන් යන්නන් වාලේ මංගල්‍ය කිරීමට  යුවලක් තෝරා ගන්නේ යම් තරමින් ස්ත්‍රීන් සහ පුරුෂයන්ද, ස්ත්‍රීන් සහ ස්ත්‍රීන් ද, පුරුෂයන් සහ පුරුෂයන්ද යන්නවත් හරිහැටි නොතකමින්‍ ය.

ගෘහාභ්‍යන්තර මාර්ගයේ එක් මළසිරුරු පෙළක් තිබුණි, අනෙක් පේළිය අංගණය හරහා අනෙක් පසට වන්නට තිබුණු හෙයින් චූ වන්නිං සහ ෂ මෙයි එළියට එන වග දැකීමට තරම් බොහෝ දුරින් විය.

පේළිය සෙමින් ඉදිරියට ඇදුණි, උත්සව නිලදරයාගේ හඩ නැවත වරක් බංගලාව දෙසින් ඇසෙන්නට ලැබුණේ යුවල බැගින් යුවලය මංගල උත්සවය සම්පූර්ණ කිරීමෙන් පසුවය.

චන් යාඕ  තමා ඉදිරියේ සිටන් සිටින අයුරු මෝ රන් හට දක්නට ලැබුණි, එහෙයින් යමක් නිවැරදි යන වග ඔහුට දැනුණි. ඔහු දීර්ඝ වේලාවකට ව්‍යාකූල වූයේ පේළිය ටිකෙන් ටික මුළු වේලාවෙම අඩුවීම නිසාවෙනි,  අවසන් යුවල් කිහිපය ඉතිරි වූ විට මෙම අමන අසමත්ජාතියා අවසානයේදී  එය හඳුනා ගත්තේ ය.___

ආ! පේළි මෙම පිළිවලට සකසා තිබීමේ ඇරුත වන්නේ තමා ඉදිරිපිට සිටින කත ෂ මෙයි සමඟ විවාහ  වෙනවා යන්න  නොවිය හැකී?  එමෙන්ම ඔහු අර නීච චූ වන්නිං සමග ගලපා ඇත්ද? මෙය නම් පිළිගත නොහැකිය.

මනු ලොවේ පෙර සිටි අධිරාජ්‍යයෙකු වශයෙන් ඔහු සැණින් සිත් තැවුලට පත් විය.  මුව ඇද කරමින් ඔහු  චන් යාඕව පිටුපසට ඇද දමමින් විගසින් ඉදිරියට පැන ඇය ඉදිරියෙන් සිට ගත්තේ  ය.

ඔහු අසල  සිටි දරුවා පුදුමයෙන් ගොළු විය, එහෙත් මෝ රන් සැණින්  හිස එල්ලා වැටෙන අවතාරයක් විලසින් සිය හිස  පහත දමමින් අනෙකුත් මළ සිරුරු සමගම එල්ලී වැටෙන්නට විය. ජින් තොං සහ යූන්‍යූ යන දෙදෙනාගේ ධ්‍යානවේදී බලය ඉතරම් උසස් මට්ටමකින් නොවීය; ඔවුහු තරමක් අන්දුන් කුන්දුන් වූවාට ඇතිවූ ගැටලුව කුමක්ද යන්න පහදා ගැනීමට නොහැකි වූහ. අවසානයේ ඔවුන් මුග්ධ යුවලක් ලෙසට කිසිවක් නොකර සිටියෝ ය.

මෝ රන් තමා ගැන සතුටට පත්විය. ඔහු පේළිය පසුපස යමින් උද්‍යෝගිමත්ව ගමන් කළේ ෂ මෙයිව මුණ ගැසීමට බලාපොරොත්තු සහිතවය.

සමගාමීව,
චූ වන්නිං  ඔහු ඉදිරිපිට සිටගෙන සිටින ෂ මෙයි දෙස බැලුවේ ය.  මොනයම් විදිහේ අනතුරක් නුදුරේ දී වේවිද යන්න පැවසීමට කිසිදු අයුරක් නොවීය.

ඔහුගේ වදන් නිරන්තරයෙන් සැර පරුෂ ස්වභාවයක් ගත්ත ද, ඔහුගේ හදවත මෘදු විය; ඔහු කෙතරම් කෝපාවිෂඨව කර්කෂව සිටියත් , සැබැවින්ම ඔහු සිටින තාක්කල්, සිය ශිෂ්‍යයින් අනතුරේ හෙළීමට ඉඩ නොදෙන්නේ ය.

එහෙයින්, ඔහු ද සිය හස්තය ඉදිරියට ළඟා කරමින් සිහි මුර්ජාව සිටි ෂ මෙයිව තමාගේ පිටුපසට ඇද්දේ ඔවුන්  සිටි ස්ථානයන් මාරු කරමින් ය.

එය ඔහුගේ වාරය විය.
ගෘහාභ්‍යන්තර මාර්ගයෙහි අවසානයේ , රතු සහ කළු පැහැති බන්දේසියක් අතෙහි තබාගෙන සිටි සේවිකාවක චූ වන්නිං දුටු විගස සෙමින් සිනාසුනා ය.  කිංකිණිනාදය වැනි යුවතියගේ හඩ අංගයන් රහිත එම වතෙන් ආවේ ය.

“සුභ පැතුම් ආර්යාවණි, සුභාසිංෂණ පිළිගන්න ආර්යාවණි, පළමු හමුවීම පැරණි මිතුරන් සේය, මහළු වියට එළඹෙන තුරු ශාන්තව සිටිය යෙහෙකි”

චූ වන්නිංගේ මුහුණ සැණින්  අඳුරු වී ගියේ ය.

ආ-ආර්යාව.......? තමුන්ගේ පෙනීමට මක් වෙලා ද?

අවතාර සේවකයාගේ හිස් වූ මුහුණ දෙස ඊළග මොහොතේ බලා,  ඔහු තමාව වළක්වාලීය.

ඇතවශයෙන්ම ඔවුනට දෙනෙත් නොතිබිණ.

අවතාර සේවිකාව සිහින් හඩින් සිනාසෙමින් , බන්දේසිය තුළින්  රත් පැහැ සළුවක් ගෙන එයින් චූ වන්නිංගේ හිස වැසුවා ය. හිම මෙන් සිහිල් වූ හස්තයක් විත්  ඔහුගේ හස්තය මොළොක්ව ග්‍රහණය කළේ සෞම්‍ය සිනහවකින් යුතුවය. “ආර්යාවණි, කරුණාකර මේ දෙසින් පැමිණෙන්න”

කතු වදන :

ඊළග පරිච්ඡේදයේ අපි මංගල රාත්‍රිය ගතකරන කුටියට යමු, එතන මංගල රාත්‍රිය ගතකරන කාමරක් තිබුණෙ නැත්තම මම සජීවි විකාශනක් කරන්නම් ජරාව කන. ඔන්න කිව්වා

ඊයේ අහපු  ප්‍රශ්නවලට පිළිතුරු මෙන්න
[මෝ රන් ගිය ආත්මේ කාවද සිප ගත්තේ?]

පළමුවෙන්ම, චූ වන්නිංගේ පැත්තෙන් නම් කිසිම වෙනසක් නැහැ, ගිය ආත්මේ තිබ්බ විදිහටමයි හැම ක්‍රියාදාමයක්ම සිද්ධ උනේ. ඒකෙ තේරුම ඔහු මේ ආත්මෙදීත් මෝ රන්ව බේර ගත්තා, ඒ අනුපිළිවලම තමයි ගිය ආත්මෙදීත් සිදුවූයේ.

මෝ රන්ගේ මතකය, ඔහුගේ මානසික ස්වභාවය [අමනුෂ්‍යාව පරාද කිරීම shizun මත තීන්දු වේ, ආලවන්ත කම් පාන එක තමා මත තීන්දුවේ]. චූ වන්නිං හැම දෙයක් ගැනම සුපරික්ෂාකාරීව හොයලා බලනවා, ඔහු ෂ මෙයිව බේරලා තමයි අනිත් කෙනාවත් හොයන් ආවේ

මෙතනදි දෙන්න වෙනස් මාවත් දෙකකින් ගියොත්, ඉදිරියට  වෙන්න තිබෙන දේ සම්භාවිතාව වැඩියි

ඒ වෙලාවෙ ඇත්තටම චූ වන්නිං මුලින්ම මෝ රන්ව හොයාගෙන ආවේ, එහෙත් සමහර හේතූන් මත මෝ රන් සාවධානව නොසිටීමේ තත්ත්වය නිසා ෂ මෙයිව බේර ගන්න ගියා.

චූ වන්නිංගේ ක්‍රියාදාම වල අනුපිළිවල එක්ක ගලපන විට....... එහි අරුථ වන්නේ මෝ රන් පෙර භවයෙත් මේ භවයෙත් දි වගේම චූ වන්නිංව ෂ මෙයි ලෙස වරදවා වටහා ගත්තා. සිප ගැනීමෙන් පසුව චු වන්නිං ඉක්මණිම ඉවත් උනා. ඔහු විගසින් ලැජ්ජවට පත්වන අයෙක් නිසා, ඒ මොහොතේ සන්සුන් වෙන්න බැරි උනා. ඔහු හිතුවා තවත් එතන පේන්න ඉන්න හොඳ නැහැ කියලා , මෝ රන්ට අනතුරක් නැහැ කියලා තහවුරු කරගත්තට පස්සෙ ෂ මෙයිව බේර ගන්න ගියා.  ඉන් පසුව ඔහු ෂ මෙයි ව රැගෙන එන විට මෝ රන්ව මුණ ගැසුණා, සන්සුන් බවක් බොරුවට මවා පෑව. මෝ රන්ගේ අවධානව තිබුණේ ෂ මෙයි ළඟ , එහෙයින් චූ වන්නිංගේ සැඟවුණු සියුම් අසාමන්‍යකමක් ගැන ඒ මොහොතේ වටහා ගත්තේ නැහැ.

මායාන්විත භුවන මැකී ගියවිට ෂ මෙයි කිසිවක් නොවූ ගානට සිටීම පැහැදිලි කරන්න දෙය තමයි ඔහුට කිසිවක් එතනදී සිදුවුණේ නැහැ කියන එක. ......

ඉතින් ඒ අවුරුද්දෙත් , ඔයාගෙන් මිදිලා පැනලා පැනලා දිව්වේ shizun න්ම තමා , මෝ රන් මැට්ටා! අසරණ shizun ගේ ආත්ම දෙකේම ප්‍රථම හාදුව හොරකම් කළේ ඔයා තමයි, ඒත් ඔයා හිතුවේ ඒ ඔයාගේ shige (අයියා පණහ් (^_^) ) කියලානේ.  Bye.jpg. 😭

 

T/N

ජින් තොං සහ යූන්‍යූ -  金童玉女 (jīn tóng yù nǚ) , Golden boy and Jade Girl – Attendants of Daoist immortal (තාඕවාදී අමරණීයනගේ සහයකයින්/පරිවාරකයන් වැනි දෙයක් ) කියලා මොවුන්ව හඳුන්වා තිබෙන්නේ මොවුන්ගේ ස්වරූපන කුඩා දරුවන් ලෙසය. ඔවුන්ට සිංහල වලින් කියන්න නමක් හෙව්වා ඒත් හරියටම අර්ථකතනයක් නැතො නිසා චීන වලින් තියන නමම භාවිතා කරන්න හිතුවා.

ගොංස -  公子 (Gōngzǐ) – young master, childe කුලවත් වංශවත් නිලධාරීන්ගේ, වංශාධිපතින්ගේ පුත්‍රයන් සහ අනෙකුත් ධනවත් යැයි සම්මත තරුණයින් ඇමතීම සඳහා භාවිතා කරන නමකි, “පොඩි මහත්තයා, ස්වාමිපුත්‍රයා” වගේ නමක්

හයිතං මුකුලයක් - 海棠花 (හායි තං හුවා) - මෙයට begonia flower කියනවා,  Crab-apple blossom කියලත් කියනවා, English translation එකේ තිබුණේ Haitang කියලා ඒක එහෙමම තියන්න හිතුවා

 

මෙයි අසුරාධිපතිනිය හඳුන්වන්නේ “它 (Tā)” එය අප්‍රාණවාචී සර්වනාමයක් “it” කියන තේරුම, English එකෙත් තිබුණෙ ඒ විදිහට , මොකද එය තවම සිරුරක් නොමැති ආත්මයක් නිසා විය හැකී කියා මට සිතෙනවා. ඒ නිසා “එය” යන්න භාවිතා කරා.

 

本座的新娘 (Běn zuò de xīnniáng/ බන් සුවෝ ද ශින්නියං) – This venerable one’s bride , “ 新娘” ‍යන්නිහි අරුත “මනාලිය” යන්නයි, ඒත මුල් තියෙම තියන දෙයක්  “新郎” (新郎/ ශින්ලං) කියන්නේ “මනාලයා” කියන අර්ථය. මෙතන චූ වන්නිං වේල් එකෙන් මූණ වහගන යන්නේ “මනාලියක්” විදිහට,  මෝ රන් අඳහෙන ඉන්නේ “මනාලයෙක්” විදිහට 

Previous | TOC | Next