අමන හස්කි බලු පෝතකයා සහ ඔහුගේ ස්වේත බිළාල ඇදුරාණන් | දාහතරවන දිගහැරුම : මේ උත්තමයාණෝ විවාහ වෙති.

 

නෙත් ඉදිරිපිට  එල්ලෙන හිස වසා ඇති තුනී රත් පැහැ සළුව මතින් චූ වන්නිං හට තවමත් දැකගත හැකිවිය. නමුත් දර්ශනය තරමක් නොපැහැදිලි විය, වත අඳුරු විය,  ඔහුගේ මුහුණේ ඉරියව් ඇඳී තිබුණේ අවතාර සේවිකාව ඔහුව පිළිගැනීමේ මණ්ඩපය වෙතට රැගෙන යනවාත් සමඟය.

මිහිදුම් පටලය මතින් එතැන සිටන් සිටි පුද්ගලයා දුටු විගස චූ වන්නිං වටා වූ උෂ්ණත්වය අංශක කිහිපයකින් පහත වැටිණේ ක්ෂණයකිනි.

මෝ රන් ද විශ්මයට පත්විය.

 නමුත්........ඒ ෂ මෙයි නොවිය යුතුයි ද?

“මනාලියගේ” මුහුණ සළු පටකින් වසා තිබුණි,  ප්‍රශ්ස්ත රත්පැහැ වස්ත්‍රයකින් සැරසී ඔහු ඉදිරි පිට සිටන් සිටියි. සළුවෙන් වසා සිටි වත පැහැදිලිව දැකීමට නොහැකි විය. ඔහු එදෙස කෙළෙසින් බැලුවද ඒ ඔහු දෙස නොසතුටින් ඝතන අරමුණු කැටි කොටගෙන හිඳින්නාක් ලෙසට රවා බලමින්  සිටින  චූ වන්නිං ගේ  කඩවසම් වූත් මනහර  සැර පරුෂ  මුහුණම ය.

මෝ රන්: “......”

මෝ රන් මුලින්ම තෝන්තු විය, ඔහුගේ භාවයන් සංකීර්ණත්වට හැරුමට පටන් ගැනිණ. සියලු ආකාරයේ හැඟුමන් මුහුණින් එළි පෙත්තට ඒමට පටන් ගැනුණු මොහොතක අමුතු බවේ හැඟුමන් අවසානයේ  එක්කරමින්  ඔහු චූ වන්නිං සමඟ මුහුණට මුහුණ ලා සිට ගත්තේ ය. ඔවුහු දෙපල නොසන්සුන් බව පෙරදැරි කොටගෙන එකිනෙකා දෙස බලා සිටියෝ ය.

ඔවුන්ට ඉදිරියෙන් සිටි ජින් තොං සහ යූන්‍යූ  සිහින් ලෙස සිනාසෙමින් , අත්පොළසන් නාද දෙමින් ගැයීම ඇරඹූහ.

 ස්වේත අග්‍ර නිරිඳානන්ගේ අම්බු උදුල දීපන මතින් රඟ දෙයි
 මුකුල තුඩඟ දාරා  ආත්මීය ආල ශකුනයන්  ස්වාගතය කරයි
 මෙම ශවභාජනය මතින්, දෙහදක් එක් වෙයි
 මෙම අභයස්ථානය මතින් , දෙහදක් මියැදෙයි
 ජීවන අභිප්‍රාය මරණයින් මතුවූ  යෙයි
 මින් මතු දෙදෙන සුරලොව යටත පසු  කරයි
 මින්මතු මියැදුණු තනි වූ ආත්මයන්  වෙන්ව නොයයි

නමුත් මෙම භයන්කර කවි වැලෙහි යටපත් කරගත් සැඟවුණු  අර්ථය ශෝකය සහ පසුතැවිල්ලක්ම ය. මෝ රන හට කතා කිරීමට හැකිවූවා නම් ඔහු පැවසීමට අවැසි  එකම දෙය වනුයේ

___ “හාපෝ!”

නමුත් ඔහුට කතා කිරීමට නොහැක.

පූජාසනය ඉදිරිපිට කඩදාසි බෝනික්කන් යුගලයන්  ද විය. එකක් පුරුෂ රුවක් ගත් අතර අනෙක ස්ත්‍රී රුවක් ගන්නට විය. ඔහුනට මුහුණක් නොතිබුණ අතර ධනවත් කුලවත් අයුරින් සුඛෝපභෝගීත්ව අලලා ඔවුන්ව හැඩ ගන්වා තිබුණේ  අවතාර යුවලෙහි මාපියන් නියෝජනය කිරීමට විය හැක.

උත්සව කටයුතු භාර නිලදරයා මහත් හඬ නඟමින් මොරගසමින් ගායනා කරන්නට විය “සොඳුරු පියකරු අලුත ගෙනා මනාලී, ලැජ්ජාවෙන් වදන් තෙපලන්නී, නෙතු පිහාටු බිම හෙළා හිස පාත් කර සිටින්නී, රතු සළුවෙන් හිස වසා සිටින්නී , ඇගේ මෘදු සිනහව සළුවට මුවා කර සිටින්නී, සළුව ඉවත ලන්නට වල්ලභයාණන්ට ඇරයුම් කර සිටින්නී”

“......” සැබැවින්ම මෝ රන් මෙයට පසුබට වෙමින් සිටිය ද එම වදන් ඇසූ විරූ වනම මනස ද පාලනය කර ගත් නොහැකි වූ සෙයින්ම සිනහව මැඩගත නොහැකි විය.

හාහ්හාහ්හාහ්හාහ්හා, සොඳුරු පියකරු අලුත ගෙනා මනාලී, ලැජ්ජාවෙන් වදන් තෙපලන්නී හාහ්හාහ්හාහ්හාහ්හා

චූ වන්නිංගේ මුහුණ දවා අළු වූවාක් විලසට පත්වූ අතර ඔහු සිය ක්‍රෝධය පාලනය කර ගැනීමට තැත් කළේ  දෑස් පියා ගනිමින් එය සවනට නාව විලසින් සිටීමෙන් ය.

අවතාර සේවිකාව සිහින් ලෙස සිනාසෙමින් මෝ රන් හට අවානක් පිරිනැමුවා ය; “අවාන” සහ “සදාචාරය” එක ලෙස උච්චාරණය කරන්නේ මෙම විවාහය දෛවෝපගතව සිදුවන්නක් ලෙසින් ය.

“මනාලයාණනි! මුහුණ වසා ඇති සළුව ඉවත් කරනු මැනවි”

මෝ රන් තම සිනහව මැඩ ගනිමින් , අවාන භාවිතා කරමින් චූ වන්නිංගේ නෙත් ඉදිරිපිට එල්ලා වැටුණ  සේද  සළුව ඉවතලෑවේ ය. ඔහු චූ වන්නිංගේ  උද්දීපිත මුහුණෙහි ප්‍රකාශනයන් වෙත එබී බලන්නට වූයේ   අක්ෂිපක්ෂ්මය නලියන්නට තරම් වූ හාස්‍ය සිනහව මැඩගෙන සිටිනවාත් සමඟය.

ඔහුගේ  සමච්චල් සහගත සිනහව හැඟුනාක් මෙන් චූ වන්නිං මොහොතකට දරා ගැනීමට උත්සහ කළ නමුත් අවසානයේ දී ඔහු අසමත් විය , ගිනි සහ අකුණු ඔහුගේ නෙතු වල රග දෙන්නාක් මෙන් ඒවා එළිපිට දිස් වන්නට වූයේ ඝාතන සළකුණු පෙන්වන්නාක් මෙනි.

හිස වෙලා තිබෙන ඔහුගේ රත් පැහැ සළුව සමඟ ඔහුගේ ඇඟ පසඟ  සැරසා සිටි රත් පැහැ මංගල වස්ත්‍රය සමඟ යුවල් වූ කල්හි ඔහු නොවැඩි වශයෙන් රුදුරු ලෙස පෙනී ගියේ ද , සෝතැවුල්ලෙන් සහ ක්‍රෝධයෙන්  ඔහුගේ නෙතඟ අනපේක්ෂිතව  පැහැ ගැන්වූ විලාසන මනරංජනීය විචිත්‍රවත් සිත්තමක් අසමසම සිතුවමක් මවයි.

එම නෙත් යුගලය දෙස බලන විට , මෝ රන් නිරායාශයෙන්ම බියට  පත්වූයේ ය. සිනහව මුහුණ මත හිම මෙන් මිදෙන්නට විය. ඔහු ඉදිරිපිට වූ ඇදුරුතුමා ක්ෂණයෙන් පෙර දිවියේමෙන් යම් මොහොතක සිටි විලසින් දිස්විය. දෙයාකාරයම ඔහුගේ දෘෂ්ටිය මත එකපිට එක ලෙස පතිත වූ සෙයින්ම ඔහු සිටින්නේ කුමන කාලයේ ද යන්නද ඔහුට එකවරම කීමට නොහැකි විය.

එය එක් නිමේෂයකට සීමා වූ නමුදු එය මෝ රන්ව හීන් දහබිඳු වලින් තෙත් කිරීමට ප්‍රමාණවත් විය.

ඔහු කුරිරු ක්‍රියාවන් ත්‍රිත්වයක් වන්නිං හට සිදුකළේ ය.

පළමු වැන්න: ඝාතනය. ඔහු චූ වන්නිං හට ඝාතන විධික්‍රමක් භාවිත කළේ ය.
දෙවැන්න : නින්දාව.  තම කාමුක ආශාවන් සංසිදුවාලීමට චූ වන්නිං හට බලපෑම් කළේ ය.
තෙවැන්න............

තෙවැන්න ඔහු  පෙර දිවියේ  කළ බෙහෙවින් තෘප්තිකර දෙය විය, නමුත් අවසානයේ ඔහුගේ දිවියේ දී මහත් සේ පසුතැවීමට පත්වූ කාරණය විය.

සැබැවින්ම මනු ලොවෙහි අධිරාජ්‍යයෙකු පසුතැවීම් පිළිබඳව කිසිසේත්ම පවසන්නේ නැත,  එනමුදු හදවත ගැඹුරින්ම ඇතිවූ වධ වේදනාවෙන් ගැලවීම සලස්වා ගතනොහැකො විය.

විලම්බිත. කුමට ද ඔහු ඒ වියරු අතීතය ගැන මතකාවර්ජනය කරනුයේ? කුමකට ද ඔහු එකල සිටි චූ වන්නිං ගැන මතක් කරනුයේ ?

මෝ රන් තම හිස සොලවා තොල් සපාගත්තේ ය. අසීරුවෙන් ඔහුගේ මතකයන්හි රැදි චූ වන්නිං රුව මකා දමා ඉදිරිපිට සිටින පුද්ගලයා දෙස නැවුම් මනසින් බැලීමට ය.

චූ වන්නිං තමා දෙස රවා බලන ලද ඒ බැල්ම “මම තෝව බාවනවා” වැනි බැල්මකි. මෝ රන් හට මෙම අමාරුකාර පුද්ගලයාව තවදුරටත් ඇවිස්සීමට අවශ්‍ය වූයේ ද නැත, ඔහු ක්ෂමාපන සිනහවක් අසරණ වූ ප්‍රකාශන වලින් දැක්වීමට පමණක් හැකිවිය.

උත්සව භාර නිලදරයා හඬ අවදි කළේ ය. “මනාලයා සහ මනාලිය වෝගුවන් චාරිත්‍රය ඉටු කරන්න”

වෝගුවන් චාරිත්‍රය යනු නව විවාහ දිවියට පත් යුවලක් තමාව ප්‍රථමයෙන් පිරිසිදු කරගෙන , පසුව අනෙකාගේ හස්තයන් පිරිසිදු කිරීමය. යට වූ තලියකට ජලය පිරිණ.

චූ වන්නිංගේ තමාව සෝදා අනෙකා ද සේදීමට ගැන අප්‍රසාදයට පත්ව සිටියේ ය. මෝ රන් සිටියේ අවසිහියෙන් ය ඔහු කලබල නොවී තමාගේ දෑත් සෝදාගෙන චූ වන්නිංගේ ද දෑත් සේදුවේ ය. නමුත් කෝපයෙන් සහ නුරුස්සන සුළු ගතියෙන් සිටි චූ වන්නිං මුළු බඳුනම මෝ රන්ගේ හස්තයට හලන ලද්දේ ඇඳුම් අතෙහි භාගයක් පමණ තෙත් කරමින් ය.

“............”

මෝ රන් තෙමී ගිය ඇදුම් අත දෙස මඳ වේලාවක් බලා සිටියේ ය. ඔහුගේ මනස කොහේ කරක් ගැසුවා ද යන්න කවුරු දනී ද නමුත් ඔහු කල්පනාවෙහි ගිලුණාක් මෙන් ප්‍රතික්‍රියාවක් හෝ ඔහුගේ මුහුණ පෙන්වූයේ අපහසුවෙන් ය,  මන්දාලෝකයක් එම දම් පැහැයට හුරු තද කළු නෙතු සඟලෙහි ගැඹුරින් දිස් වන්නට විය.

ඔහුගේ සිතුවිලි අයාලේ ගිය පරිද්දෙන්ම හදගැස්ම වැඩිවිය. චූ වන්නිං වෙනස් වී නොමැත. ඔහු වෙනස් වන්නේ ද නැත.

ඔහුගේ සියලුම ක්‍රියාවන්, සියලුම සිතුවිලි, ගිය දිවියේ හෝ මේ දිවියේ , නිසැකයෙන්ම සියල්ලම සමානය, කිසිදු වෙනසක් තරමකින් හෝ සිදුව නොමැත.

ඔහු හිස තරමක් එසෙව්වේ ය.  එක් නිමේෂයකට  මතයක අතීතයේ සෂං කඳුමුදුන වෙතට දිව ගියේ ය. ඔහු කල්පනාවෙහි ගැලුණු බව, වූෂන් මාලිගයේ ඈතට විහිද ගිය පියගැට පෙළ මතින් චූ වන්නිං සිටන් සිටි තමා වෙත ඇවිද එන අයුරු. ඔහු මෝ රන් ඉදිරිපිට දණ ගසන්නේ ය. එම මාන්නක්කාර හිස බිම වදින්නේ ය. ඍජුව තිබූ කශේරුව නැමෙන්නේ ය චූ වන්නිං මෝ රන්ගේ දෙපතුල අබියස දිගු වේලාවක් දණ ගසාගෙන සිටින්නේ ය.

“වෝගුවන් චාරිත්‍රය සම්පූර්ණයි.”

අවතාර සේවකයාගේ ගායනය මෝ රන් ක්ෂනයකින් මතකයන්හි ගැලී සිටීමෙන් අවදි කළේ ය

සැණෙකින් පැමිණීමත් සමඟම ඔහුගේ දෙනෙත් චූ වන්නිංගේ දෙනෙත් මුණ ගැසිණ. කළු පැහැති කණිනිකාව  අසිපතක ප්‍රතිබිම්බයක් මෙන් සිහිල් අලෝකයක් සමඟ දිලිසෙන්නට වූයේ බිය ද උපදවමින් ය.

මෝ රන්: “.........”

.... ඔහ්, පෙර දිවිය යනු පෙර දිවිය යි, චූ වන්නිං තමා ඉදිරිපිට දණින් වැටීමට සැලැස්වීම, මෙම ආත්මයේ ද එවැනි දෙයක් කිරීම පිළිබඳව සිතා බැලිය යුතුය, කෙසේ වුවත් එය සිදු කිරීම සැබැවින්ම අනර්ඝ ය.....

වෝගුවන් චාරිත්‍රයෙන් පසුව තොංලාඔ සහ හජින්  චාරිත්‍රය.

අවතාර සේවකයා සෙමින් ගැයුවේ ය. “සැමියා සහ බිරිද මුද්‍රිකපාන විතක් පානය කොට මින් මතුවට ලොව කෙළවර වන තෙක් , දිවි ඇති තෙක් එකට සිටීමට ”

හජින් චාරිත්‍රයට අනුව මුද්‍රිකපාන බඳුන් මාරුකරමින් පානය කළේ ය. ඉන්පසු දෙරණට සහ සුරලොව වන්දනා කිරීමේ චාරිත්‍රය.

“ පළමු  නමස්කාරය______සුරලොවට සහ දෙරණට_______”

මෝ රන් හට හැගුණේ ඔවුන් චූ වන්නිං ගේ ස්වභාවය සමඟ සෙල්ලම් කරනා විලසින් ය. ඔහුට දණින් වැටීමට ක්‍රමයක් නොමැත.  ඒ කෙසේ වුවද අනපේක්ෂිත ලෙස ඔහු ඇරඹූ දෙය  අවසන් කිරීමට චූ වන්නිං දෙනෙත් පියා, හැකිළුණු දෙබැම ද සමඟ දණ ගැසුවේ ය. ඔවුන්ගේ දෙබැම බිම ගෑවෙන්නට විය.

“දෙවෙනි නමස්කාරය________දෙමාපියන්ට___________”

හොඳයි එසේ නම් මේ කඩදාසියෙන් තැනූ මුහුණක් නොමැති බෝනික්කන් ළඟ දණින් වැටීම. ඔවුන්ට දෙමාපියන් කිව හැකියි ද?

“තෙවෙනි නමස්කාරය______ස්වාමි පුරුෂයා සහ භාර්යාව එකිනෙකාට_______”

චූ වන්නිංගේ ඝන නෙතු පිහාටු  බිමට හැරී තිබුණේ  ඔහු මෝ රන් දෙස මදකටවත් නොබලමින් ශීඝ්‍රයෙන් සහ ඍජුව හැරී දණ ගැසීමත් සමඟය, එහෙත් ඔහු සිටියේ දත් මිටි කමින්‍ ය.

දෙදෙනා අතර අඩු සමායෝජනයක් තිබීම හේතුවෙන් එක ළඟ දණ ගසයි යන වග කවුරු දනී ද.  බොල් හඬ නගමින් ඔවුන්ගේ හිස් එකිනෙකට වැදිණි.

චූ වන්නිං හුස්මක් ගිලගත්තේ වේදනාව දරා ගැනීමෙන් ය, හිස අල්ලා ගනිමින් කදුළු පිරි දෑසින් එදිරි පිරිමසින රැවීමක් නළල පිරිමදින මෝ වෙයියූ වෙතට යොමු කළේ ය.

“.........” සැණෙකින් මෝ රන්ට හැකිවූයේ “කමා කරන්න ” ලෙස පැවසීම පමණි.

චූ වන්නිංහට කතා කිරීමට නොහැකි විය, මුහුණ අඳුරු කරමින් තම ඇස් කැරකුවේ ය.

එන්පසුව ජියේෆා  චාරිත්‍රය , උත්සවය භාර නිලදරයා ගයන්නට විය “කොණ්ඩක ගැට ගසමින් ස්වාමි පුරුෂයා සහ භාර්යාව වීම, සැක සංකාවකින් තොරව වෛවාහික  ප්‍රේමය ඇතිවීමට.”අවතාර සේවිකාව රත්‍රං පැහැ කතුරු දෙකල් පිරිණැමුවා ය. කිසිවක් කර කියා ගැනීමට නොහැකි වූ ලෙසටම මෝ රන් බියෙන් මෙන් හැකිළුණි.  අප්‍රසාදයට පත් චූ වන්නිං තමාට කතුරෙන් ඇන මරා දමයි යනුවෙන් ඔහු කණස්සල්ලට පත්විය. එම සිතුවිල්ල සැබැවින්ම චූ වන්නිංගේ මනසට ගියාක් මෙන් විය, එහෙත් අවසානයේ ඔවුහු ඔවුනොවුන්ගේඑ කෙස් රොදක් කපා  ජින්තොං සහ යූන්‍යූ විසින් පිරි නැමූ විසිතුරු වැඩ දමා ගෙත්තම් කළ කුඩා පසුම්බියකට දමන ලද්දේ “මනාලිය” චූ වන්නිං විසින් තබා ගැනීමට ය.

සැබැවින්ම මෝ රන්ට ඇසීමට අවශ්‍ය වූයේ , ඔබ කේන්තියෙන් සිටින වග මම දනිමි, නමුත් ඔබ මාගේ කේශ යෝදා ගෙන මට ශාප කිරීමට හෝ හූනියම් බෝනික්කන් සෑදීම වැන්නක් කරන්නේ නැහැ නේද?

උත්සව නිලදරයා ගැයුවේ ය.

“උත්සවය_____සම්පූර්ණයි”

දෙදෙනාම සැනසුම් සුසුමන් සලමින් සිටගත්තේ ය. නමුත් අනපේක්ෂිත ලෙස , උත්සව නිලදරයා පවත්වාගෙන ගියේ ය.
“ශුභ මොහොතින් මංගල රැය ගතකරන කුටියට ඇතුළු වන්න______”

මොනවා. මොන මඟුලක් ද?
මෝ රන් ක්ෂණයෙන් ගල් ගැසිණි.
ඔහු ලේ වමනය දැමීමට ආසන්නව සිටියේ ය.

මොන විහිළුවක් ද මේ, විවාහය සම්පූර්ණ කිරීමට ඔහු චූ වන්නිං සමඟ මෙවුන්දම් සේවනයට  තරම් නිර්භීත වුවහොත්, එය නිසැකවම භූත මඟුලක්ම වේවි! කියමනක් තිබෙනවා රුවැත්තියක් පහසේ මියයන්නේ නම්, අවතාරයක් ලෙසින්ම මනවඩයි, නමුත් මෙම දිවියේ ඔහුට අවැසි......., ජීවන කල් ද්විත්වයේදීම ඔහුට අවැසි වූයේ ගුණවත් ෂ මෙයිව ය, තමාට ආශා කරන යමෙක් ද, ඒ සියල්ලෝම ගැටගසා මඩ ගොහොරකට විසි කරන  මෙම රුදු රකුසු චූ වන්නිං නම් නොව!!

මෙම විවාහයෙන් පැන යෑමට දැන් ප්‍රමාදයි ද?

කතු වදන :

ඔහ්! මංගල කවි පද, මම සැලසුම් කළේ සාම්ප්‍රධායික ඇඳුම් පැළදුම් ගැන සොයා බැලීමටයි, එහෙත මට ලොකුවට හමුවූයේ නැහැ. එමෙන්ම අවතාර විවාහයක් සමාන්‍ය විවාහයක් ලෙස සිදු වන්නේත් නැහැ, එම නිසා ගේය පද වෙනස් . විචාරකයිනි, එතරම් නොතකන්න.

කවි පද වලට සමහර විස්තර උවමනාවෙන්ම එක් කර ඇත. කතාව සම්පූර්ණයෙන් අවසන් වූ පසු , ඔබ කැමති නම් ඔබට හැකි මෙය නැවත බැලීමට. ඔබට වැටහේවි මෙම මංගල කවි පද  අර්ථශූන්‍ය නොවන වග. එහි ගැඹුරු අර්ථයක් ඇති බව.

දුවමු. ගිහින් බලමු මංගල රැය ගතකරන  කුටියට, මට නම් ජරාව කනව සජීවීව පෙන්නන අවශ්‍ය නැහැ.

T/N

ස්වේත අග්‍ර නිරිඳානන් -    白帝水 (Bái dì shuǐ) (බයි දී ෂ්වෙයි/ෂුයි) , “water from Sichuan” සචුවන් හි ජලය , ස්වේත අධිරාජ්‍යයාගේ පාලන සමය  වර්තමාන කතාව පදක වී ඇති සචුවන් ප්‍රදේශයෙහි විය.

“අවාන” සහ “සදාචාරය” –    “善” virtue  “ 扇”  fan දෙකම Shàn (ෂන්)  ලෙස උච්චාරණය කෙරේ.

වෝගුවන් -  “沃盥” wò guàn “මෙහි තේරුම දෑත් වලට ජලය දමා දෑත් සේදීමයි”  මෙය චීනයේ  මංගල චාරිත්‍රයකි

තොංලාඔ -  “同牢”  Tóng láo  මනාලයා සහ මනාලිය මාංශ කැබැල්ලක් අනුභව කරමින් අලුත් ජීවතක් ඇරඹූ බව කියන චාරිත්‍රය

 හජින්   -   “合卺”  héjǐn මනාලයා සහ මනාලිය තම  වයින් බඳුනේ අඩක්  පානය  කොට බඳුන් මාරු කර ගැනීම

 

මංගල රැය ගතකරන කුටියට -  මධුසමය  ගත කරන කුටිය , මේ දන්නවනේ

 

Previous | TOC | Next