අමන හස්කි බලු පෝතකයා සහ ඔහුගේ ස්වේත බිළාල ඇදුරාණන් | විසිවන දිගහැරුම : මේ උත්තමයාණෝ ඔබට කතාවක් කියන්නම්. (2 වන කොටස)

 

   T/N :  “ලින්යී වල මිනිසෙක් සිටියේ ය, විසිවන වියේදී හදවත මියැදුණු”

                                                                                                
                                                                          (19 පරිච්ඡේදය.)
                                                

මීළඟ දින උදෑසන චන් පවුල ඥාති නිවසේ සිට යළි පැමිණිය. ඔවුනට දැක ගැනීමට ලැබුණේ දොඩම් ගස කඩා වැටී තිබෙන අයුරුත්, ගෙඩි ඒ මේ විසිවී තිබෙන අයුරුත් ය. එහි බොහෝ නේවාසිකයින් නොසිටි අතර අසලින්ම සිටියේ ලුවෝ පවුල පමණි.  ලුවෝ ශියෑන්ශියෑන් දොඩම් දෙස අශාවෙන් බලා  සිටි අයුරු ඔවුනට මතක් වී ඉක්මන් නිගමනයකට එළඹිණි.

අනිවාර්යෙන්ම  මෙම අවාසනාවන්ත ළමයා දොඩම් ටික සොරාගෙන ඇති,  ලුවෝ ශියෑන්ශියෑන්!

සොරාගෙන පමණක් නෙවෙයි ඊර්ෂ්‍යාව හෙයින් ගසත් කපා දමලා!

චන්  පවුල ක්ෂණයෙන් ලුවෝ විද්වතා වෙත ගියේ  දෝෂාරෝපණ සියල්ලත් රැගෙනය. සත්‍යවශයෙන්ම මෙවන් අවනම්බුවක් විදීමට තරම් විද්වත් ලුවෝ සුදානමක් නැති වූ හෙයින් සැණෙන් සිය දියණියට කතා කළේ ය, ඔහු කෝපයෙන් දොඩම් සොරා ගත්තේ ඇය ද  යන්න ප්‍රශ්න කෙළේ ය.

ලුවෝ ශියෑන්ශියෑන් හඬමින් පිළිතුරු දුන්නේ ඒ ඈ නොවන බව පවසමින් ය.

ඉන්පසු ඈ ගස කපා දැමුවාද යන්න ඇගෙන් ප්‍රශ්න කෙරිණි.

දිගින් දිගටම ඒ ඈ නොවන බවට ඇය  පිළිතුරු දුන්නා ය.

ඉන්පසු ඇය  සොරෙන් දොඩම් කෑවද යන්න ඇගෙන් අසන ලදි.

ලුවෝ ශියෑන්ශියෑන් බොරු කීමට නොදනී, එයට තිබුණේ එක් පිළිතුරක් පමණි.

ඇය පැහැදිලි කිරීමටත් පෙරම ඇගේ කලබලයට පත්ව කුපිතව සිටි පියාණන් ඈට දණ ගැසීමට අණ කළේ ය. චන් පවුල ඉදිරි පිට විනය නීති වලට අනුකූලව ඇයට දඩුවම් ලෙස පහර දුන්නේ ය. “පිරිමි ළමයෙක් වැරැද්දක් කළොත් කකුල් දෙක හෝදලා ගෙට ගන්න පුළුවන්, ගෑණු ළමයෙක් වැරද්දක් කළොත් හදන්න බෑ කවදාවත්, මේ වගේ කෛරාටික වැරැද්දක් තමුන්ට මේ පොඩි වයසට කරන්න පුළුවන් උනාද? තමුන් නම් ලැජ්ජාවක්, තමුන්ගේ පියාගේ මූණෙත් දැලි ගෑවා, දඩුවමක් විදිහට තමුන්ට අද දවසටම අහාර ගැනීම තහනම්. තුන් දොහක් යනකම් බිත්තිය දිහා බලාගෙන ඉන්නවා, තමුන්ගේ වැරදි ගැන පසුතැවෙනකම්ම_____”

“අප්පච්චි, ඒ මම නෙවෙයි, ඇත්තටම ඒ මම නෙවෙයි”

“මට ආපිට කතා කරන්න හිතන්නවත් එපා”

කිසිවෙක් ඈව විශ්වාස කළේ නැත.

පහළ ධ්‍යානවේදී ලොව අපිළිවෙල වූවත්, සායි දියේ නුවර වෙනස් ය. මෙම නුවර වැසියෝ සැමවිටම සරල අවංක දිවි පෙවෙතක් ගත කළෝ ය, එමෙන්ම කිසිවෙක් තම නිවසේ දොර රත්‍රියේ දී හෝ වසා නොතැබුවෝ ය. උන්මත්තකයෙක් ලේ පෙරාගෙන මැදියම් රැයේ කඩා වැදුණ බව කීවාට කවුරු විශ්වාස කරයි ද?

කෝටුවෙන් වැදුණු පහරවල් වලින් ලුවෝ ශියෑන්ශියෑන්ගේ කුඩා දෑත් සීරී හමගොස් රුධිරය ගලන්නට විය.

රුදු විලසට චන් පවුල බලා සිටියහ. වැඩිමහල් පිරිමි දරුවා පමණක් ඔවුනගෙන් වෙනස් විය; ඔහු සිය මවගේ ඇඳුමේ එල්ලුණේ යමක් පැවසීමට ඇති විලසටය.

ඔහුගේ මව ඔහුට කිසිත් ලෙසින් අවධානය යොමු නොකළා ය, හොඳින් වැඩුණු මුහුණින් බැම අකුළමින් බලනවා හැර ඔහුට අන් විකල්පයක් නොවීය, ඔහු පසෙකට වී සිටන් සිටියේ තව දුරටත් බලා සිටිය නොහැකි හෙයින් ය.

එදින රාත්‍රියේ ලුවෝ ශියෑන්ශියෑන් නිවස තුළට ආපසු යෑමට පවා බියපත්ව සිටියා ය.  ඇය සිය නිවසෙහි සියන යට වකුටුවී සිය දඬුවම ඉතා දුක්ඛිත ලෙස විදිමින් සිටියා ය.

ඇගේ පියා විද්වතෙක් වූ හෙයින් සොරකම යනු ඔහුට ඉවසුම් නොවන සුළු දෙයකි. ඇගේ පියා දේවල්මත එල්බගෙන සිටින දරදඬු අයෙක් හෙයින් ඔහු සමඟ කතා කිරීමෙන් ඵලක් නොවන්නේ ඔහු හේතු කීමට  ඇහුම්කන් දීම පවා ප්‍රතික්ෂේප කරන හෙයින් ය.

දිනක් කුසගින්නේ සිටීමෙන් අනතුරුව ලුවෝ ශියෑන්ශියෑන් හට ක්ලාන්ත ගතියක් හට ගත්තේ ය. සැණින් සියුම් හඬක් ඇයට කතා කළේ ය. “ලුවෝ නැගණිය”

ලුවෝ ශියෑන්ශියෑන් එදෙසට හැරුණා ය, පියකරු ලෙස වැඩුණු අංග ලක්ෂණ වලින් හෙබි මුහුණක් සහිත හිසක් මැටියෙන් සාදන ලද බිත්තියකින් එබෙන අයුරු දුටුවා ය. ඒ මින් පෙර දින   සිය මවට ආයාචනා කිරීමට උත්සාහ කළ පිරිමි ළමයා විය. චන් පවුලේ වැඩිමහල් පුත්‍රයා වන චන් බො’හුවන්.

චන් බො’හුවන් වට පිට බැලුවේ ය, අසහ පහළ කිසිවෙක් නොවූ බව වැටහුණු විගස ඔහු මැටි බිත්තිය මතින් නැග පැමිණියේ ය. ඔහු සිය වස්ත්‍රයෙන් උණු මන්තොව් පිටතට ගත්තේ ය, කිසිවක් පැහැදිලි කිරීමකින් තොරොව එය ඇගේ අතෙහි තැබුවේ ය.

“ඔබ කිසිවක් කෑමට නොගෙන මුළු දිනම මෙම බිත්තිය අසල සිටගෙන සිටිනවා මා දුටුවා, මේ මන්තෝව් ඔබට ගෙනාවේ, ඉක්මනින් කෑමට ගන්න”

“මම.....” ලුවෝ ශියෑන්ශියෑන් ස්වභාවයෙන්ම ලැජ්ජාශීලී වූවා ය; ඇය මාස කිහිපයක සිට එහි වාසය කළා වූවත් අසල්වැසි නිවස වූ පිරිමි ළමයා සමඟ වචන කිහිපයකට වඩා හුවමාරු කර නොතිබුණා ය. නමුත් මේ මොහොතේ ඔහු දෙස ඉතා සමීපව බැලීම, ඇයට අඩි දෙකක් තැබීමට නොහැකි බවට පත් කරමින් ඇගේ හිස බිත්තිය මත වැදීමට සැලැස්විය. “මට මේය ගන්න  බෑ....අප්පච්චි මට ගන්න දෙන්නෑ....අප්පච්චි කිව්වා..”

ඇය කතා කළේ ද නොපැහැදිලි අයුරින්ය, ඇයට සම්පූර්ණ වාක්‍ය පැවසීමට ද නොහැකි විය.
“අයියෝ, ඔබගේ පියාණන් දන්නේ පුස්තකයක් වගේ කතා කරන්න විතරනේ, ඇයි ඔබ මෙතරම් වද වෙන්නේ? හාමතේ සිටියොත් ඔබ අසනීප වේවි; සීතල වෙන්න කලින් කන්න”   

මන්තොව් සුදුපැහැ මොළොක් මෙන්ම ඉතා මෘදු විය,  එමෙන්ම දුම් දමමින් තවමත් උණුසුම් විය.

ලුවෝ ශියෑන්ශියෑන් සිය හිස පහත් කරමින් එදෙස මොහොතක් බලා සිටියා ය, එමෙන් ඈට කෙළ ගිලෙන්නට විය.

කෙසේ හෝ ඈ සැබැවින්ම සිටියේ දැඩි ලෙස හාමතේ ය, අර සත්පුරුෂ ස්වභාවය මේ සත්පුරුෂ ස්වභාවය ගැන නොතකා ඇය  මන්තෝව්  රැගෙන මොහොතක් යෑමට පෙර එක කටට ගිල දැම්මා ය.

ඈ එය අවසන් කිරීමෙන් අනතුරුව , ඇගේ රවුම් නෙතු සඟලින් උඩට හරවා බැලුවා ය. ඇය චන් බො’හුවන් හට පැවසූ  ප්‍රථම සහ සම්පූර්ණ  වැකිය වූයේ “මම නෙවෙයි දොඩම් ගස කපා දැමුවේ , මට සොරකම් කිරීමට අවශ්‍ය නැහැ”

චන් බො’හුවන් මද වේලාවකට මවිත වී, සෙමින් මන්දහාසයක් පෑවේ ය. “හ්ම්ම්”.

“නමුත් කිසිවෙක් මාව විශ්වාස කරන්නේ නැහැ..” ඔහුගේ බැල්ම තුළ මොනයම් අයුරක වත් අවමානයක් නොවීය, ලුවෝ ශියෑන්ශියෑන් සෙමින් සෙමින් විවෘත වූවා ය. ඇගේ දුක්ගැනවිල්ල සිහිල් හිම කැටි දියවී ගලා බසින්නාක් මෙන් විය. ඇය සිය මුව විවර කර “ආහ්” යන හඬක් නගා හඬා වැටීම අරඹා ඇගේ කඳුළු පිස දැම්මා ය. “කිසිවෙක් මාව විශ්වාස   කරන්නෙ නැහැ, මම සොරා ගත්තේ නැහැ, මම සොරකම් කළේ නැහැ”

චන් බො’හුවන් ඇයට අතින් සියුම් තට්ටුවක් දමමින් අස්වසාලුවේ ය. “මම දන්නවා ඔබ සොරකම් නොකළ බව, අයියෝ, ගස යට සෑම දිනකම සිටන් සිටියත්, කිසිම දිනක එක දොඩම් ගෙඩියක් ගත්තේ නෑ, ඔබට සොරකම් කිරීමට අවශ්‍ය වූවානම්, එය බොහෝ කලකට පෙර සිදුවීමට තිබුණා”

“ඒ මම නෙවෙයි, ඒ මම නෙවෙයි” ඇය දැඩි ලෙස හඩා වැලපෙන්නට වූවා ය, දෙනෙත් වලින් මෙන්ම නාසයෙන් ද කඳුළු ගලන්නට විය. චන්  බො’හුවන් දිගින් දිගටම ඈව සැනසුවේ ය. “ඒ ඔබ නෙවෙයි, ඔව්, ඒ ඔබ නෙවෙයි”

මෙලෙස ඔවුන් දෙදෙනා එකිනෙකාට හිතවත් වන්නට විය.  

පසු කලෙක ළඟපාත පිහිට  ඝාතනයක්  සිදුවිය. දෙ රාත්‍රීයකට ප්‍රථම රුහිරු වලින් වැසී තෙත් වී ගිය මංපහරන්නෙක් නිවසකට කඩා වැදී රාත්‍රිය ගත කිරීමට කුටියක් ඉල්ලා ඇත. අයිතිකරු එම ඉල්ලීම ප්‍රතික්ෂේප කළ හෙයින් ඔහු මුළු පවුලම ඝාතනය කොට ඇත. ඉන්පසු ඔහු ශව පිරි කුටියේ රැය පහන් කළේ පසු දින වනතුර නොයමින්ය. නමුත් ඔහු පහසුවෙන් පිට වූයේ ද නැත. රුධිරයෙන් ඔහු සුභාෂිත වැකියක් ද බිත්තිය මත ලිව්වේ ය. ඔහු විසින් කරන ලද සියලුම  ආශ්චර්යමත් ක්‍රියාවක්ගෙන් සැදුම්ලත් ලේඛණයක් එහි විය , එවැනි රාක්ෂයෙකුගේ පැවැත්ම පිළිබඳව ලොව නොදනීවී යැයි යන බියෙන් ඔහු පෙළෙන්නාක් මෙන් ය.

එම පුවත ලැව්ගින්නක් මෙන් පැතිරෙන්නට විය, ඉතා යුහුසුළුව එය වර්ණ ශලබ නුවර වෙතට ද පැමිනෙන ලදි. සැසදීමකින් බලන කළ එය ලුවෝ ශියෑන්ශියෑන් හට උමතු අයියණ්ඩියව මුණ ගැසුණු එම  රාත්‍රියම විය.

ලුවෝ විද්වතා සහ චන් පවුල නිරුත්තරව ඔවුන්ගේ  මුව වැසිණ. 

වැරදි වැටහීම් විසඳා ගැනීමෙන් අනතුරුව පවුල් ද්විත්වය ඉතා  සමීප වූහ.  ලුවෝ ශියෑන්ශියෑන් ඉතා හුරුබුහුටි, මෙන්ම සුන්දරත්වයත් සමඟම උත්සහවන්ත  බවට චන් යුවලට අවබෝධ විය.  ඔවුන්ගේ පවුල් පසුබිම මත ඔවුනට ඉතා හොඳ යහපත් ලේලියක් සොයා ගැනීම  පෙනී ගිය අයුරින් අපහසු කටයුත්තකි. මෙලෙස ඔවුහු ලුවෝ ශියෑන්ශියෑන්ගේ සහ චන් බො’හුවන්ගේ විවාහ ගිවිස ගැනීම තීන්දු කළහ. ඔවුන් වැඩිහිටි අවදියට  පත් වූ පසු, ඔවුන් හට විධිමත් ලෙස උත්සවයක් ගත හැක.

ලුවෝ විද්වතා සිය දියණිය සහ චන් බො’හුවන් ගැලපෙන බව දුටුව හෙයින් ඉමහත් ප්‍රීතියෙන් එකඟ වූයේ ය.

කාලය ගෙවී ගියේ ය, ලුවෝ හට සුගන්ධ කලාව පිළිබඳව ඇලමක් නොතිබුණේ නම පවුල් ද්විත්වයම ඔවුන් පෙර සිතූ  පරිදි  සාමාන්‍ය  සහ ප්‍රීතිමත් සරල ජීවිතයක්  ගත කරන්නේ ය

යමෙකුට දොස් පවරනවා නම් එලෙස කළ යුත්තේ  අහඹු ලෙස හෝ “සියක් සමනොළ ධූපය” නිපැයූ ලුවෝ විද්වතාටමය.

මෙම සුගන්ධයෙහි කිසිදු විශේෂතාවයක් නොවීය, නුවර සාමාන්‍යයෙන් දක්නට ඇති අනෙක් ඒවායෙන් ද සුවිශේෂ නොවීය. නමුත් එහි අනෙකුත් සුවඳ ද්‍රව්‍ය වල නැති වූ වාසියක් තිබිණ.

එනම් සිය සියයක් පුරාවට පැවතීමය, අපරිච්ඡින්න ලෙස කල් පැවතීමය.  

සියක් සමනොළ ධූපය දිගු කාලයක් රැදී පවතී, එය නියම ගුණාත්මක බවෙන් මෙන්ම මිලෙන් අඩු වූ හෙයින් සියලුම නිවෙස්  සෙවූ දෙයක් විය.

ලුවෝ විද්වතා විශ්වාස කළේ “සියලුම දේ පහත් ය, දැනුම පමණක් උසස් ය” ඔහු ධූපය සෑදුවත් ඔහු එය විකිණීමට මැලි වූයේ ය, ඔහු විශ්වාස කළේ එය ඔහුගේ තත්ත්වයට හානි කරාවි කියා ය.

ඔහු එය අලෙවි නොකාරාට යමෙකුගේ මනසෙහි එය ගැන සිතුවමක් මැවීමට ඉඩ කඩ ඇත.

චන් මැතිණිය ලුවෝ විද්වතාගෙන් එම වට්ටෝරුව ලබා ගැනීමට උත්සුක වූවා ය, වෙළඳසැලක් ඇරඹීමට ද රුකුල් වූවේ ද ඔහුගෙන් එය ප්‍රතික්ෂේප වෙමින්ය, නමුත් ටික කලකට පසු චන් මැතිණිය තවදුරටත් තමාව විදූෂකයෙක් කර ගැනීමට අවැසි නොවී පෙරැත්ත කිරීම නවතා ලූ නමුදු ඇගේ හද පත්ලටම එය කිදා බසින ලද්දේ එය තරයේම මතක තබා ගනිමින් ය.

එම වර්ෂයේ ලුවෝ ශියෑන්ශියෑන්  පහළොස් වන වියට පා තැබුවා ය, අවස්ථාවක් එළඹීය,  නිතර අසනීප වූ ලුවෝ විද්වතා හට ක්ෂයරෝගය වැළදී  මාස  කිහිපයක් අරගල කිරීමෙන් අනතුරුව  ලොවෙන් සමුගත්තේ ය.  ලුවෝ ශියෑන්ශියෑන්ගේ නැන්දම්මා වශයෙන් -  ඔවුන් තවම නිල වශයෙන් විවාහ දිවියට පත් නොවූවත් -  යම් හැඟීමක් එහි විය. ඇය අවමඟුල් උත්සවයට උපකාර කළේ බෙහෙවින් කර්ය බහුල ලෙස උර දී වැඩ කරමින් ය.

ලුවෝ ශියෑන්ශියෑන්හට කඳුළු උනන්නට විය, කෙසේ හෝ, ඈට චන් මැතිණියගේ යටි අරමුණු පිළිබඳව අවබෝධ නොවූවා ය. ලුවෝ විද්වතාට අයිති දෑ පිළිවලකට  සකසන විට ඇය ධූප සාදන වට්ටෝරුව සොරෙන් ගත්තා ය.

එම රාත්‍රියේ , චන් මැතිණිය තෙල් පහන් කූඩුවක් දල්වා වට්ටෝරුව  කියව්විමට ඉමහත් උනන්දුවෙන් පසුවිය. එකදු බැල්මකින් ඈ මවිතයට පත් විය.

ලුවෝ විද්වතාගේ හස්තාක්ෂර මකරෙකුගේ සහ ෆීනික්ස් පක්ෂියෙකුගේ නර්ථනයක් මෙන් විය. ඉතා දර්ශනීය, නිසැක ලෙස බැදි අකුරුමය විය. දිනකින් අඩක් පමණ බලා සිටිය ද ඇයට එකදු වචනයක්වත් තේරුම් ගැනීමට නොහැකි වූවා ය.

නිහඬව ආපසු වට්ටෝරු පුස්තකය තිබූ තැනින් තබනවා හැර ඇය හට අන් විකල්පයක් නොවීය.

මාස කිහිපයකට පසු, ලුවෝ ශියෑන්ශියෑන් සන්සුන් වූවාට පසු ඇය ගැහැණු ළමයා හට ආහාර වේලකට ආරාධනා කළා ය. ආහාර ගනිමින් සිටින අතරතුර ඇය අහඹු ලෙස මෙන් ඇය අනභිප්‍රායිකව සියක් සමනොළ ධූපය පිළිබඳව ගෙනාවා ය.

ලුවෝ ශියෑන්ශියෑන් සිතුවේ එම වට්ටෝරුව නිවසෙහි තබා තිබීමෙන් කිසිදු ප්‍රයෝජනයක් නොවන බවය, චන් මැතිණිය ඇයට සෑම විටම කරුණාවන්ත වූවා ය ,ඇයට එය අවශ්‍ය නම් , ඇයට එය ඇයහට දුන් හැකිය.

එහෙයින් ඇය සිය පියාණන්ගේ දේපල ගනිමින්, එම ලියවිලි වල අර්ථය චන් මැතිණියට සෙමින් සෙමින් පහදා දුන්නා ය. ඇය සංකීර්ණ වූ වට්ටෝරුව බෙදා වෙන්කර තෝරා දුන්නා ය.

චන් මැතිණියගේ ඉහේ මලක් පිපුණි. වට්ටෝරු ගත් පසු ඇය සිය ස්වාමිපුරුෂයා සමඟ  වෙළදසැලක්  ඇරඹීමට සැලසුම් කිරීම ඇරඹුවා ය.

සත්‍යවශයෙන්ම එම මොහොතේ චන් මැතිණිය අගනා වස්තුවක් විලසට මෙම සෞම්‍ය සංවේද්‍ය  අනාගත ලේලිය හට සැලකුවා ය. ඇය වැඩෙනවාත් සමඟම ඇය තවතවත් රූමත් විය, එමෙන්ම පවුලට අභාග්‍යක් ද පැමිණියේ ය, ඇගේ පෙනුම සියයකින් එකක් විය, නගරයේ සිටි තරුණයින් කිහිප දෙනෙකුගේ නෙත ගැටුණි.

බලාසිටීමෙන් සංකූලතා ඇතිවිය හැකි හෙයින් මෙම ගැටළුව පිළිබඳව  ඔවුන් හැකි ඉක්මනින්  සැලකිලිමත් විය යුතු බව චන් මැතිණිය සිතුවා ය.

කෙසේ හෝ ලුවෝ ශියෑන්ශියෑන් හට සිය පියා අහිමි වූවා පමණි. සායි දියේ නුවර සම්ප්‍රදායට අනුව මව්පියන්ගෙන් එක් අයෙකුගේ අභාවයෙන් පසු, තුන් වසරක් යනතරු විවාහ විය නොහැක.

නමුත් කෙසේද චන් මැතිණිය තුන් වසරක් බලා සිටින්නේ, ඇය ඒ පිළිබඳව සිතා සිතා ම  විසඳුමකට එළඹිය___

එක් දිනක් ලුවෝ ශියෑන්ශියෑන් චන් පවුලේ බාලම දියණියගේ කොණ්ඩය ගොතමින් සිටියා ය.  එම ගැහැණු ළමයා සමඟ ඇයට සමීප මිතුදමක් තිබුණි. සෑම දිනකම ලුවෝ ජියේ ජියේ මෙය ලුවෝ ජියේ ජියේ අරක යැයි පවමින් එම බාල දියණිය කුඩා වල්ගයක් මෙන් ඈ පසුපස පැමිණියා ය.

චන් මැතිණිය ගෙමිදුල වෙත ආ විට ලුවෝ ශියෑන්ශියෑන් හට අභ්‍යන්තර ශාලව වෙත කතා කිරීමෙන් පසුව ඇයට පැවසුවා ය, “ශියෑන්ශියෑන් , ඔබ සහ බො’හුවන් කුඩා කළ සිටම හඳුනනවා, එමෙන්ම ගිවිසගෙනයි සිටින්නේ, ඔබේ පියාණනුත් දැන් නැහැ, ඔබ තනිවයි සිටින්නේ. ජීවිතය හරි කටුකයි. මේ වර්ෂයේ ඔබ විවාහ වී අපේ පවුලට එන්නයි සිටියේ, නමුත් තුන් වර්ෂ නීතියත් තියෙනවා, ඔබට විවාහ විය නොහැකියි දැන්ම, නමුත් මා සිතුවේ මෙම තුන් වසරින් පසු ඔබේ වයස කීයක් විය හැකිද කියා”

ලුවෝ ශියෑන්ශියෑන් කිසිවක් නොපවසාම  හිස පහත් කළා ය, නමුත් එය පැහැදිලි ය , චන් මැතිණිය මීළඟට කීමට යන දෙය ඉවෙන් මෙන් දැනී ඇගේ කම්මුල් රත් පැහැ විය.

එමෙන්ම චන් මැතිණිය සිය කාතාව කරගෙන ගියා ය.

“තනිව ජීවත් වීම කටුකයි, වෙහෙස කරයි, ඇයි මෙලෙස විය නොයුතු__ඔබ මුලින්ම අපේ පවුලට විවාහ වී පැමිණෙන්න; අපට බිත්ති  වලට කොටුවී විවාහ උත්සවයක් රහසේ ගත හැකියි, පිටස්තරයින්ගෙ සැඟවිය හැකියි. යමෙක් ඇසුවොත් , ඔබට කිව හැකියි මම ඔබව බලා ගන්න ලෙසට. මෙලෙස අනිත් අයගේ පරීක්ෂාවට ලක් නොවී චාරිත්‍රයන් ද කළ හැකියි, එලොව සිටින ඔබේ පියාණන්ටද සැණසුමක් වේවි. වර්ෂ තුනක් ගිය පසු , අපට නිවැරදි රීතීන්ට අනුව උත්සවයක් ගත හැකිය, එය නිවැරදියි නේද? ”

එම වදන් ඇසී ගියේ සියල්ලම ලුවෝ ශියෑන්ශියෑන්ගේ අභිවෘද්ධිය උදෙසා වූවා මෙන්ය. යමෙකුට කිසිදු දුර් අභිප්‍රායක් නොමැති ලෙස පෙනුණ හෙයින් එසේ ඇති බවට කල්පනා වූයේ ද නැත, ඇය එකඟ වූවා ය.

පසුව සියක් සමනොළ ධූප අලෙවියෙන් පසු චන් පවුල ධනවත් වීය.  ඔවුහු සිය පැරණි නිවසින් පිට වී නගරයෙහි වූ විශාල භූමියක් මිලදී ගත්හ. ගොඩනැඟිලි පිළිසකර කිරීමෙහ් පසුව ඔවුන් බලගතු පවුලක් බවට පත්විය.

ලුවෝ ශියෑන්ශියෑන් එම ඉහළ පාන්තික  පවුලේ සැඟවුණු සේයාව බවට පත් වූයේ කලාතුරකින් සිය මුහුණ පෙන්වන අයෙක් ලෙසට ය.

සියල්ලෝම සිතා සිටියේ ලුවෝ ශියෑන්ශියෑන් ඔවුන් සමඟ ජීවත් වූයේ නිසැකවම චන් මැතිණිය කරුණාවෙන් ඇයව බලා ගන්නා හෙයින් ය. ඇය සහ චන් බො’හුවන් දැනටමත් විවාහ වී ඇති බව කිසිවෙක් නොදන්නෝ ය.

මෙම ජීවන රටාව පිළිබඳව තරමක් අසතුටු වූවත්, ලුවෝ ශියෑන්ශියෑන් සිතා සිටියේ සිය නැන්දම්මා මේ සියල්ල කරන්නේ ඇගේම හොඳට කටකතාවලින් වැළකී සිටීමට හෙයින්ය , ඇයට කිසිදු පැමිණිල්ල ඒ පිළිබඳ නොවීය, එමෙන්ම චන් බො’හුවන් ඇයට අවංක ලෙසටම හොඳින් සැළකුවේ ය, ඔවුහු ඉතා මිහිරි මෙන්ම ආදරණීය ලෙස සිය කාලය ගත කළෝ ය. ඔවුන් බලා සිටියේ තුන් වර්ෂය ගතවී සියල්ල සාමාන්‍ය අතට හැරෙන තුරුය.

නමුත් ලුවෝ ශියෑන්ශියෑන් බලා සිටි නිල විවාහ උත්සව දිනය, කිසිදා නොපැමිණි දිනම විය.

චන් පවුලේ ව්‍යාපාරය සමෘධිමත් විය, චන් බො’හුවන් ද මනහර කඩවසම් අයෙක් විය. ඉන්පසු, වර්ණ ශලබ නුවර යුවතියන් පමණක් නොව; ධනවත් පවුල්වල් දියණියන් , අසැල්වැසි ගම්මාන ද වැඩිමහල් චන් ගොංස වෙත් දෑස් යොමුකරන්නට  ට විය. කෙමෙන් කෙමෙන් චන් මැතිණියගේ මනසට එය ඇතුල් විය.

දරුවන් අතරට මෙම විවාහ ගිවිස ගැනීම ඈ ගෙනාවේ ඔවුන් ගොවි පවුලක් වූ හෙයින් හොඳ යෝජනා සොයා ගැනීමට නොහැකි හෙයින් විගසින්ම ලුවෝ ශියෑන්ශියෑන් හට අයිතිය ප්‍රකාශ කිරීමට ය.

සවාසනාවෙහි කැරකීමක් පිළිබඳව කවුරු බලාපොරොත්තු වේද? එම චන් පවුලම දිනක මෙතරම් සාර්ථක වීම පිළිබඳව? ඇය දැන් ලුවෝ ශියෑන්ශියෑන් දෙස බලන විට ඇයට හැඟුණේ මෙම තරුණිය එතරම් රූමත් හා දක්ෂ  නොමැති බවය, ඇගේ වියළි මුලක් මෙන් වයසක මිනිසෙක්ව සිටි  පියා මෙන්ම ඇය ද  මුග්ධ, අඳුරුව ගිය අයෙක් ලෙසය. ඇයව දකින විටත් කෝපය වැඩිවීමට එය හේතු විය.

ඇය තරමක් පසුතැවීමට ද පත් විය

යාඕ ආර්යාවගේ පෙනුම සුළුවෙන් වී මහා පරිමාණයකට පත්වන තුරු

යාඕ ආර්යාව ආණ්ඩුකාරවරයෙකුගේ සුරතල් දුහිතෘ වූවා ය. පුරුෂ ගත් පැවතුම් ඇති මෙන්ම යුධ ඇඳුම් ඇඳීමට ප්‍රිය ඇයෙක් වූවා ය. දිනක් දඩයමේ ගොස් අසුපිට නැගී ආ පිට එන විට ඇය සුවඳ ද්‍රව්‍ය වෙළඳසැල පසුකර ගොස් මඳක් එය බැලීමට නැවතුණා ය. සුවඳ ද්‍රව්‍ය ගන්නවා විනා ඇය වෙළඳසැලෙහි  සිටි මනහර කඩවසම් උත්සහවන්තව වැඩකරන තරුණයාව ගත්තා ය.

එම තරුණයා අන් කවරෙක්වත් නොව චන් බො’හුවන්ම විය,  ලුවෝ ශියෑන්ශියෑන්ගේ නමට පමණක් ස්වාමිපුරුෂයා වූ අය.

 

කතු වදන :-

චූ වන්නිං (සිරා මූණක් හදාගෙන) ; මේ සිද්ධිය අපිට කියලා දෙන්නේ රහසින් ගිවිස ගැනීම හොඳ ආදර්ශයක් නොවන බවයි, කිසිම නෛතික ලියවිල්ලක් නැතුව කරන දේවල් ඉක්මනිමන්ම කඩා දාන්න පුළුවන්, කිසිම වඟකීමක් නෑනේ

මෝ වෙයියූ (අහිංසක මූණක් හදාගෙන); ඈ? මම හිතන්නේ  චැප්ටර් කීපයකට ඉස්සෙල්ලා එක්කෙනෙකුත් මාත් එක්ක රහසින් විවාහ උත්සවයක් ගත්තා, ඒත් මට මතක නෑ ඒ කවුද කියලා? කවුද ඒ? මම සැලසුම් කළේ නම් ඒ ගැන වගකීමක් ගන්න, ඒත් ඒ කෙනාට ඕන නැති නම් , ඉතින් කමක් නෑ (සිනාසී ).

 

T/N ;

මන්තොව් ; Mantou (simplified Chinese: 馒头(Mántou); traditional Chinese: 饅頭) උතුරුදිග චීනයේ ප්‍රසිද්ධ ආහාරයක් (Chinese steamed bun)

ජියේ ජියේ ; 姐姐 (Jiějiě)  “elder sister ” වැඩිමහල් සොහොයුරිය, අක්කා , චීනේ තමන්ගේ අක්කට විතරක් නෙවෙයි තමන්ට වඩා වැඩිමල් කාන්තාවන්ට “姐姐 (Jiějiě)  ” කියලා කතා කරනවා හරියට කොරියන් වලින්  noona (누나),  unnie (언니) කියනවාගේ 

Previous | TOC | Next