අමන හස්කි බලු පෝතකයා සහ ඔහුගේ ස්වේත බිළාල ඇදුරාණන් | සයවන දිගහැරුම : මේ උත්තමයාණන්ගේ ඇදුරුතුමා

වැඩෙණවාත් සමගම ෂුවේ මං සෂං කදු මුදුනේ සියලු අස්සක් මුල්ලක් නෑර දැන සිටියේ ය ,පැමිණීම්, පිටවීම්, අතුරු මාර්ග සියල්ලම පාහේ. එහෙයින්  මෝ රන්ව අල්ලා ගැනීමට කළමණාකරණය කිරීමට ඔහුට හැකිවිණ.   

අත්තඩංගුවට ගත් පසු ඔහුව සෂං කදුමුදුනෙහි පසුපසට ඇදගෙන යන ලදි.  සෂං කදුමුදුනෙහි පසුපස වූ කන්දෙහි  මුලු භූමියම පාහේ මරණීය ලොව සහ අසුර ලොවට ළගම පෙදෙස විය. මෙම දෙලොව අතර බාධකයක් විය, එම බාධකයෙන් ඔබ්බට පාතාල ලොව විය.

බාධකයේ බිහිසුණු ස්වභාවය දුටු විගස , එම පුද්ගලයා නිවසහි සිටියත් වං මැතිණිය පැමිණ ආචාර කොට අමුත්තන්ව පිළිගත්තා වූයේ මන්ද යන වග මෝ රන් හට ක්ෂණයෙන් වැටහී ගියේ ය.

එය එම පුද්ගලයාට සහය වීමට ඇති නොහැකියාව නිසා නොවූවකි, එය හුදෙක් ඔහුට මෙයින් ඉවත් වී සිටීමට නොහැකි වූ හෙයිණි.

අසුර ලොවෙහි බාධකය පිපිරීමකට ලක්ව තිබුණි.

එම මොහොතේදී , කන්දෙහි පිටුපස මුළු ප්‍රදේශයම පාහේ දුෂ්ට සාරයෙන් අරක්ගෙන තිබුණි. ඝන ශරීරයක් මතට පතිත වන්නව වූ ආත්මයන් වා තල මත ඉච්ඡාභංගත්වයෙන් විලාප නගමින්, බද්ධ වෛරයෙන් බෙරිහන් තලමින් එහෙ මෙහ අත කැරකෙමින් තිබුණි. කදු පිවිසුම් ගෝපුර ද්වාරය මත යෝධ විවරයක් අහස් කුසටම ඉරීගොස් ඇති අයුරු  දක්නට ලැබිණි.   විවරය පිටුපසින් පියවර දහසකින් බැදි උස් වූ නීල ශෛල පියගැට පෙළකින් හෙබි අසුර ලොව විය , බාධකයෙහි වූ විවරණ තවත් දැදුරු වූවේ ය. බිය උපදවන හම ගැසූ රූපයකින් හෙබි අසුරයින් විශාල පිරිසක් ඔබ මොබ යමින් අසුර ලොවෙහි සිට මනු ලොවට බඩගාන්නට විය.

සාමාන්‍ය මිනිසෙකු විසින් මෙම දර්ශනය දුටුවෝතින් නිසැකයින්ම දැඩි ලෙස තිගැස්සී බියට පත්වනු නො අනුමානය. මෝ රන් බිහිසුණු බවේ  සිහිල්  දහදියෙන් තෙතබරිත වී සිටියේ ය, ඔහු  මෙවැනි යමක් දුටු පළමු වතාව එය විය, නමුත් කාලයාගේ ඈවෑමෙන් එයට හුරු වන්නේ ය.

ඉතිහාසයේ දී මනු ලොව සහ අසුර ලොව අතර වූ මෙම බැම්ම ඉදිකරන ලද්දේ ෆුශි අධිරාජ්‍යයා විසින් ය. කාලයත් සමග එය අබලන් වී නන්විද තැන් වලින් නිරන්තරයෙන් පැලීමට ලක්වීම සහ කැඩීමට ලක්වීම සිදු විය, අමරණීයත්වය ලද ධ්‍යානවේදීහු විසින් එය නැවත නැවතත් අලුත්වැඩියා කරන්නට විණි. කෙසේ හෝ මෙවැනි කර්තව්‍යයන් කිසිදු විටක ධ්‍යානවේදීහු සතුටු කිරීමට සමත් නොවේ. එය අවිශ්වාසනික ලෙස යමෙකුගේ ආධ්‍යාත්මික බලයට අභියෝග කරන්නකි. වෙහෙස මහන්සී වී කටයුතු කළගොත් කිසිවක් අසීරු වැඩ නොවන්නේමය, එමෙන්ම ධ්‍යානවේදී ලොවෙහි මෙවැනි බර දරන්නට කැමති ධ්‍යානවේදීහු විශාල ලෙසින් නොවූවෝ ය.

බිහිසුණු ආත්මයෝ ලොවට ඇතුලු වූ පසු , ඔවුහු පළමුවෙන්ම පහර දෙනුයේ පහළ මට්ටමේ ධ්‍යානවේදී ලොවෙහි සිටින අසරණ සාමාන්‍ය මිනිසුන්ටය , පහළ ධ්‍යානවේදී ලොවෙහි ආරක්ෂකයින් වශයෙන් සෂං වංශය බාධකය අලුත් වැඩියා කිරීමේ වගකීම දැරූහ. කන්දෙහි පිටුපස පෙදෙස බාධකයේ ඇති දුර්වලම සන්ධිස්ථානය විය, මෙය හේතුකාරනාකොට ගෙන සමය පැමිණි විට බාධකය අලුත්වැඩියා කිරීමට හැකිවීම පවා මහගු භාග්‍යයකි. 

කඩතොලු වූ මෙම බාධකය අඩුතරමින් හතර පස්  වාරයක්  වත් බිද වැටෙයි, හරියට සිදුරු වූ පැරණි කලයක් මෙන් වැදගැම්මකට නැති එකකි.

අසුර ලොවෙහි නීල ශෛල  පියගැට පෙළට උඩින් එහි පිවිසුම මායිමේ මිනිසෙක් සිටන් සිටියේ ය. ඔහුගේ හිම මෙන් සිදු පැහැති ස්වේත වස්ත්‍රය ළෙලදියි, ඔහුගේ දිගු සහ පුළුල් වූ ඇදුමෙහි අත සුළගෙගි පා විණි, ඔහුගේ තලයෙන් විහිදුණු රැස් මඬල ඔහු වටා එතුණි, එය රන්වන් පැහැයෙන් දිදුලන එළියක් විය.  ඔහුගේ බලයෙන් ඔහු තනිවම එම බිහිසුණු ආත්ම පළවා හැර, එම අසුරයින්ව අතුගා දමා, එම සිදුර අලුත්වැඩියා කළේ ය.

එම මිනිසා කෘශ වූවත් ඔහුගේ පෙනුම මනරම් විය. රැස් මඬල මුහුණ වෙත වැදීමෙන් ඔහුගේ අත්‍යුත්තර පිවිතුර බව විදහා පාමින් අතිශය රම්‍ය වූ කඩවඩම් බව සහ සුන්දර බව පෙන්වාලයි. දුරින් දුටුවත් ඔහු පුෂ්පයන්ගෙන් පිරි වෘක්ෂයන් යට සිට කල්පිත ලෝකයන් හි ඇති අධ්‍යාපනික පසුබිමකින්  යුතුව පුස්තක පාඩම් කරන  අභිමානයේ  පඬ්වරයෙකු යන වග මවා ගත හැක. නමුත් ළගට දුටු කළ ඔහුගේ භාව ප්‍රකාශන තීව්‍ර විය. ඔහුගේ ෆීනික්ස් විහග නෙතු සගල උඩුකුරුව ඇළව තිබිණි, නාසය ඍජුවී පටුව තිබිණි.  ඔහුගේ පෙනුම විදග්ධ, ප්‍රඥාවන්ත මෙන්ම මනා ලෙස ශිෂ්ට සම්පන්න වූ එකක් වූ නමුත් බැල්මෙහි යම් රළු බවක් මෙන්ම , ඔහු රුදුරු මෙන්ම දුෂ්ට බැල්මක් හෙළයි.

මෝ රන් ඔහු දෙස දුර සිට බලා සිටියේය , ඔහු  සූදානම්ව සිටියත්, අවංකවම , එම පුද්ගලයා එක්වරක් හෝ කලින් දැකීම, ඇගට ගුණ විය, මන්දයත් වෙව්ලීම නිසා එය ඔහුගේ අස්ථි වල ඇති සුළු කොටස් වලට පවා සිහිල් වව කා වැදී ඇත.

අර්ධ වශයෙන් ත්‍රාස්‍යජනක, අර්ධවශයෙන් වෙවුලුවන

ඔහුගේ ඇදුරාණන්
චූ වන්නිං

පෙර භවයේදී වූෂන් මාලිගයට පැමිණි කළ  ෂුවේ මං තමාට ඔහුව දකින්න  අවැසි යැයි පවසා හඩා වැලපෙමින් අයැදූ එම පුද්ගලයා ඔහුම විය

තම විශිෂ්ට සැලසුම් විනාශ කළ මිනිසා මොහුම විය. ඔහු මෝ රන්ගේ අරමුණු කොට ගත් අදහස් සියල්ල විනාශ කොට අවසානයේදී සිරගත වී මෝ රන් අතින් වධ බන්ධනයට ලක්ව මිය ගියේ ය.

රීත්‍යනුකූලව මෝ රන් තම විරුද්ධවාදීන් පරදා ඔවුන්ගෙන් වඩු ගැනීමට ලද අවස්ථාව  පිළිබදව ඉමහත් සන්තර්පණයට පත් විය යුතුය.

සාගරය මත්ස්‍යයින්ට පිහිනීමට ඇති තෝ තැන්නකි, අම්බරය විහගුන්ට පියාඹන්න තෝ තැන්නකි , කිසිවෙකුට ඔහුව නවත්වාලිය නොහැකි විය. පටන්ගැන්මේ දී මෝ රන් සිතුවේ ඔහු මෙලෙස සිතාවි යන වගය.

නමුත් කිසිවක් එලෙස සිදු නොවීය

ඒ කෙසේ වූවත්, ඇදුරුතුමාගේ මරණයින් පසු යමක් මෝ රන්ගේ වෛරයත් සමගම වැළලීමට තිබූ බව පෙනෙන්නට තිබුණි.

මෝ රන් යනු සම්භාව්‍යයේ මිනිසෙකු නොවූයේ ය,  වැදගත් වූ ප්‍රතිවාදියා තුළ වුවද ගැලපීම ඇති බවෙහි හැගුම ඇති බව වැනි අනෙකුත් දෙයක් මෝ රන් හදුනා නොගත්තේ ය.

ඔහු  දැනන් සිටියේ ඉන් පසුව  ඔහුට පරම සතුරන් මෙම ලොවෙහි  තවත් නොමැති බවය

ඇදුරුතුමා ජීවතුන් අතර සිටි විට , ඔහු තැති ගැන්මකට ලක්ව, බිය වී , සාංකාවකට පත් විය. ඔහු ඇදුරුතුමා අත ඇති විලෝ වැල දුටු විගස, ඔහුගේ මුළු ගතහිම හිරිගඩු පිපෙන්නට විය හරියට දැව මුගුරකින් සුනඛයෙකුගේ පිටට ගසනවාක් මෙන් දැනී, දන් හිරිවැටී දෙතොල් අගින් යමක් වැගිරෙන්නාක් මෙන්ය. ඔහුගේ බත් කෙණ්ඩා තැති ගැන්ම හෙයින් පෙරලීමට ලක් වෙන්නාක් මෙන් ඔහුට සිතිණ.

ඇදුරුතුමාගේ මරණයින් පසු, මෝ රන් වඩාත් බිය වූ පුද්ගලයා දැයෙන් සමුගත්තේ ය.  මෝ රන් හට දැනුණේ තමා වැඩෙනවාත් සමගම, තමා මෝරණවාත් සමගම අවසානයේ දී උපදේශකයෙකු ඝාතනය කිරීමේ පාපය ඔහුට කළ හැකි වූ බවය.

එයින් පසු ඔහුගේ දෑස් මනු ලොව පිරික්සූ පසු, ඔහුව දණගැස්වීමට, ඔහුට අතුල් පහරවල් දීමට තරම එඩිතර අයෙක් නොවූවේ ය.     

එය සැමරීමට ඔහු ස්වේත පෙයර් කැකුළු මුද්‍රිකපාන බදුනක් විවර කර , සියන මත සිදගෙන රෑ පහන් වනතුරු මුළු රාත්‍රියේම පානය කළේ ය.

එම රාත්‍රියේ දී , මදු විතෙහි බෙලෙන් ඔහුට දැනුනේ  තුරුණු වියේ දී ඇදුරුතුමාගෙන් ලද කස පහරවල් වලින් හැදී ඔහුගේ පිටෙහි වූ එම කැළැල් නැවුම් වනයන් ලෙසට ය, ඒවා අලුත්තෙන්ම සිදුවූ ඒවා  තරමටම දැවිල්ල ඇතිවී රිදුම් දෙන්නට විය.

එම මොහොතේ එම ඇදුරාණන්ම ඔහු ඉදිරිපිට සිටගෙන සිටින අයුරු තම දෙඇස් වලින්ම දුටු මෝ රන් හට බලාසිටීම නවතාලිය නොහැකි විය, බිය මෙන්ම පැරණි ක්‍රෝධය දැනෙනවාත් සමගම සිහින් වූ ප්‍රීති ප්‍රමෝද ලකුණක් ද දැනෙන්නට විය.

තමාහට අහිමි වූ එවැනි ප්‍රතිවාදියෙකු  නැවත හිමි වීම පිළිබදව  ඔහුහට ප්‍රහර්ෂයට බදුන් නොවිය හැක්කේ මන්ද?

චූ වන්නිං කදුකරය කඩාවැදුණු ගෝලයින් දෙදෙන මග හරිමින්  මුළු මනින්ම පාහේ විසිරී  තිබුණු මල වුන්ගේ ආත්මයන් සමග සටන් කිරීම වෙතට තම අවධානය යොමු කළේ ය.

ඔහුට මනරම් වූ වතක් තිබුණි : දෙබැම දිගු විය, ඔහුගේ  ෆීනික්ස් විහග නෙතු සහල බිමට යොමු වී තිබුණි, ඔහුගේ හැසීරීම් ලීලාව ද සොදුරු විය, අභිමානවත් විය, දිව්‍යමය විය. ඔහුගේ මුහුණේ භාවයන් නොවෙනස් වන සුලුය, දුර සිට බලන විට රළු ය හරියට යක්ෂ වාතල සහ රුහිරු වැසි මෙනි.  හරියට ස්ථානයෙන් පිටත  ඔහු ලිහිල් ලෙස සුගන්ධය හමන කල වාඩි වී ගුචින් සිතාරය වයනවා මෙන් එය අමුත්තක් ලෙස දැනුණි.

ඒ කෙසේ වුවත්, රූමත් මෙන්ම අඳුරු මිනිසා එම මොහොතේ යකුන් පලවා හරින දිගු සිහිල් රුධිරය වෑහෙන  අසිපත වනමින් සිටියේ ය. ඔහුගේ දිගුවූ ඇදුම් අතෙහි එක සුලු පහරකින් , ඔහුගේ තලයෙගි වූ බල මහිමයෙන් නිල්වන් පියගැට පෙළ කපා පුපුරා හරින ලදි.  රළු ගල් කැබලි  සහ සුන්බුන් කන්දෙහි මුදුන් ද්වාරයේ සිට කදු පාමුල දක්වා සීසීකඩ වැටී ගියහ.

කෙතරම්  කුරිරු රෞද්‍රභාවයක් ද

අවසන් වරට ඔහු ඇදුරුතුමාගේ ජවය දෑසින් දැක කොපමණ කාලයක් ගෙවී ඇත් ද?

එම වික්‍රමාන්විතය, එම පමණට වඩා බලසම්පන්න බව මෝ රන්ගේ දෙපා එහි නියත ස්වභාවයෙන් තොරව ගොස් අඩපණ කරන්නට විය. අස්ථිර දෙදණ පොළොව මත පතිත වූහ.

සියළු අසුරයින් විනාශ කොට , අසුර ලොවෙට සෑදී ඇති කාන්දුවන සිදුර හරියාකාරව වසාලන්නට චූ වන්නිං හට එපමණ කාලයක් වැය නොවූවේ ය. තම කාර්ය අවසන් කොට සාමකාමී  විලසක  අහසින්  බට විත් ලෙස සෙමෙන් ෂුවේ මං සහ මෝ රන් ඉදිරියට පා තැබුවේ ය.

පළමුවෙන්ම බිම දණින් වැටී සිට මෝ රන් දෙස බැලුවේ ය. ෂුවේ මං දෙස බැලීමට ප්‍රථමයෙන් ඔහුගේ ෆීනික්ස් විහග දෑස් තරමක් රළු විය.

“ආයෙත් ගැටළුවක් ඇති කළේ ද?”

සිද්ධීන් තුලනය කොට හැකි ඉක්මන් මෙන්ම නිවැරදි විනිශ්චය ලවා දීමේ හැකියාවක් ඇදුරුතුමා සතුව ඇති බවට මෝ රන් හට පිළිගැනීමට සිදුවිය.

“ඇදුරුතුමණි, මෝ රන් කන්දෙන් පහළට ගොස් චෞරකම සහ සල්ලාලකම යන අපරාධයන්හි නිරතව සිට තිබේ. ඇදුරුතුමණි, කරුණාකර ඔහුට සරිලන දණ්ඩනයක් ලබා දෙනු මැනවි!” ෂුවේ මං පැවසුවේ ය.

චූ වන්නිං ගේ භාවයන් මුළුමනින්ම පාහේ  හිස් විය, මොහොතක් නිහඩව සිට රළු ලෙස “එහෙමද!” යනුවෙන් පැවසුවේ ය.

මෝ රන් “.......”

ෂුවේ මං “......”

ඔවුන් දෙදෙනාම මදක් පසු පසට යවන ලදි. ඉන් පසු? එය අහවර ද?

තවමත් මෝ රන් බලාසිටිමින් ඔහු භාග්‍යයෙන් තොර වී සිටින බැව් සිතන්නට විය, ඔහු චූ වන්නිං දෙස බැල්ල්මක්  හෙලන විය රන්වන් පැහැති ආලෝකයක් වාතල මතට ප්‍රචණ්ඩ ලෙස කස පහර දෙන අයුරු ඔහුගේ බැල්මට හසුවිය. අකුණක් විලස පුපුරමින් මෝ රන් ගේ කම්මුල මතට ඍජුව කස පහරක් එල්ල විණි.

රත්මල් පොකුරු වැනි රුධිර බිදිති දසත විසිර ගියේ ය.

රන්වන් අලෝක කදම්බයේ වේගය සිතීමෙ ධාරිතාවට වඩා ඉහළ ලෙසටම පුදුම සහගත විය. පසෙකට පැන බේරීමට පවා නොව තම මුහුණෙහි සම ඉරීගොස් මස් විවර වන තුරුම මෝ රන් හට තම දෙනෙත් වසා ගැනීමටවත් කලක් නොවීය. තුවාලය වේදනාත්මක ලෙස දවාලන්නට විය.

චූ වන්නිං සැර පරුෂ අන්දම විදහ පාමින් ඝන වූ රාත්‍රියේ භායානය පවන් රැළි මතින් ඔහුගේ දෙයත් පිටුපසට බැද  සිටන් සිටියේ ය. වාතල තවමත් බිහිසුණු ආත්මයන්ගේ අපවිත්‍ර මෙන්ම ඝන වූ මහත් දුර්ගන්ධයන්ගෙන් සමන්විත විය. එයට අමතරව නැවුම් ලෙස වැගිර තිබුණු මිනිස් රුධිරයෙහි ගන්ධය ද විය, එය කන්දෙහි පසුපස ප්‍රදේශය බිය උපදවන සහ අප්‍රසන්න වූ තහනම් බිමක බවට පත් කරන ලදි

මෝ රන් හට කස පහර දුන් එය චූ වන්නිං ගේ හස්තයන් මත කොහේ හෝ දක්නට නොලැබෙන විලෝ වැලකි.  එම ලතා මඩුල්ල පහළින් වූ චූ වන්නිං ගේ බූට් පාවහන් මත එල්ලෙන ඉතා සියුම් වූ දිගු වූ පත්‍රයන් සහ රිකිලි වලින් හෙබි දෙයකි. 

එම වැල් නිසැකයෙන්ම අලංකෘත දෙයකි. “පහසුවෙන් නැමෙන  විලෝ ශාඛා මම මාගේ ආදරණීයයෙකුට තෑගි කළෙමි” යනුවෙන් ඇති කවි පදවැල් ද එය දුටු විට සිහියට නැගෙයි.

අභාග්‍යසම්පන්න ලෙස චූ වන්නිං යනු පහසුවෙන් නැමෙන අයෙක්වත් , ආදරණීය අයෙක්වත් නොවූවේ ය. 

ඔහු අතැතිව තිබූ එම විලෝ වැල ඇත්තවශයෙන්ම පාරිශුද්ධ ආයුධය වූ  “තියෑන්වන් (ස්වර්ග සවික්සුම)” නම් විය. එම මොහොත්දී තියෑන්වන් රත්‍රං රශ්මි ධහරා සහ ලෝහිත ආලෝකය විහිදමින් දසත වූ අන්ධකාරය  ආලෝකමත් කරමින් චූ වන්නිං ගේ දෙනෙත් වල තිබූ පත්ලයක් නොමැති  ගැඹුරු බැල්ම මෙන්ම  බබළන්නට විය, එම සියල්ල යළි ප්‍රාණවත් කරන ලදි.

චූ වන්නිං තම දෙතොල් ළාවට තබා සිටි අයුරින්ම තම හඩ අවදි කළේ ය, එම හඩ සිහිල් කරන්නකි “මෝ වෙයියූ, ඔබට මෙතරම් නිර්ලජ්ජිත වෙන්න එඩිතර කමක් ඇවිත්, ඔබ සිතුවෙහි ද මා ඔබට විනය උගන්නන්නේ නැතිවෙයි කියා?”

ඔහු සොළොස් හැවිරිදි මෝ රන් වූවානම් ඇදුරුතුමාගේ උත්සාහය මා බිය වැද්දීම යනුවෙන් සිතා ඔහුගේ වදන් බරපතල ලෙස සිතට නොගන්නේ ය.

නමුත් මෝ වෙයි යූ යනු පුනරුප්පත්තිය ලද කලකට පෙර ඔහුගේ පෙර භවයේදී ඇදුරුතුමාගේ විනය පාඩම් මාලාවට ලේ වලින් වන්දි ගෙවපු අයෙකි. සැණෙකින් දන්ත මූල රිදුම් දී රුධිරය වහනය වීමේ සංවේදනය දැනී ඔහුගේ හිසටම රුධිරය කා වදින්න විය. මුව තවමත් දගලන්නට විය ප්‍රචන්ඩ ලෙස සියල්ල ප්‍රතික්ෂේප කරමින් නමක් මිමිණීමට අපේක්ෂාවෙන් සිටින්නට විය.

“ඇදුරුතුමනි!...” කොපුල් වලින් තවමත් රුධිරය ගලා බසියින්නට විය, මෝ රන් තම නෙත් උසවා බැලුවේ ය, ඒවා කදුළින් පිරී දිලිසෙන්නට විය.  තමාගේ වර්තමාන ස්වභාවය අතිශය සානුකම්පිත සහ සෝචනීය බව ඔහු දන්නේ ය. “මේ ගෝලයා කිසිවක් සොරා නොගත්තේ ය... කිසිදා අනාචාරයේ නොහැසිරුණේ ය.... මගේ කතාවට සවන් නොදී, මගෙන් කිසිවක් නො අසා ,  ෂුවේ මං ගේ බස් අසා ඒ මත පදනම්ව කෙසෙලද ඇදුරුතුමා මට මෙලෙස පහර දෙන්නේ?”

“........”

තම මාමණ්ඩිය කරා මෝ රන් ළග උපාය මාර්ග දෙකක් ඇත . පළමුවැන්න : අහිංසක හුරුබුහුටියෙක් ලෙස රගපෑම. දෙවැන්න : අනුකම්පාව උපදවන අයුරට රගපෑම.මෙම දෙ උපක්‍රමය චූ වන්නිං ඉදිරියේ විදහා පෑමට ඔහු සැලසුම් කළේ ය, පීඩාවෙන් වේදනා බරිතව කදුළු රූරා වැටෙන්න ඔන්න මෙන්නව තිබුණි. “ඔබතුමාගේ නෙත් මානයේ මෙම ගෝලයා එතරම් නොවටිනා අයෙක් ද? මට පහදා දීමටවත් අවස්ථාවක් ඇදුරුතුමා ලබා නොදෙන්නේ කෙසේද?”

ඔවුනට පසෙකින් සිටි ෂුවේ මං කෝපාවිෂ්ඨ වී අඩිය පොළවේ ගසමින් “මෝ රන්!!! තමුන්, කමකට නැති ණහවෝ! තමුන්ට ලැජ්ජාවක් කියා නාමයක් නෑ! ඇදුරුතුමනි, ඔහු පවසන දේ නොඅසනු මැනවි! මෙම නොසණ්ඩාලයාට ඔබතුමාව වියවුල් කිරීමට ඉඩ නොහරිනු මැනවි! ඇත්තවශයෙන්ම ඔහු සොරකම් කළේ ය, ඔහු චෞරකමින් ඩැහැගත් සියළු ධනය මෙහි තවමත් ඇත”

චූ වන්නිං තම නෙතු පහත් කළේ ය, ඔහුගේ මුහුණේ ඉරියව් එපිටට වූවා මෙන්ම රළු විය. “මෝ රන්, ඔබ කිසිවිටෙක චෞරකමේ නිරත වී නොමැති ද?”

“නොමැත, කවම දාවත්ම”

“මට මුසා පැවසීමේ විපාක ඔබ දන්නවා විය යුතුයි”

මෝ රන්ගේ මුළු ගතෙහිම සීගඩු පිපීම පිපෙන්නට විය. ඔහු නොදන්නවා විය යුත්තේ කෙලෙසද? ගතෙහි පිහිටි ඉන්නන් මෙන් එය මතකයෙහි රැදී ඇත. “ඇදුරුතුමනි! ඔහුව විමර්ශනය කරනු මැනවි”

චූ වන්නිං තම හස්තය ඉහළට එසවූයේ ය. එම දිදුළන ලතා මඩුල්ල නැවතත් අත්ලට ආවාය. නමුත් මෙවර මෝ රන්ගේ වතට පහර නොදී ඒ වෙනුට ඇය ඔහුගේ ගත වටා තදින් එතුනා ය.

මෙම සංවේදනා බොහෝ සෙයියි හුරුපුරුදු ඒවාවේ. මිනිසුන්ට දිනපතා කස පහර දෙනවා හැරුනු කොට විලෝ වැලින් නිම වූ  ‘තියෑන්වන්’ හට තවත් භාවිතයන් විය___

චූ වන්නිං තියෑන්වන් හි මාරක වෙළුමෙන් වෙලී සිටින මෝ රන් දෙස නෙත් රළු ලෙසට යොමු කළේ ය. “ඔබ සොරකමෙහි නියැලී  තිබේ ද?”

ක්ෂණයෙන් මෝ රන් හට හුරුපුරුදු කටුක වේදනාව හදවත සිසාරා ඍජුව පසාරු කරගෙන යන බවක් දැනෙන්නට විය, තියුණු දළින් හෙබි බුජංග පැටවෙකු සැණින් ළයට ලිස්සා ගොස් මහත් වූ සංහාරයක් අවයවයන්ට සිදුකරන අයුරුක් මෙන් දැනෙන්නට විය.

තියුණු ආයුධයකින් සිදුකරන ඇනුමක් මෙන් රිදුම් දෙන වේදනාව නවතාලිය නොහැකි පෙළඹවීමක් සිදුකරන්නට විය. මෝ රන් ගේ මුව ඔහුවම නොසලකා හරිමින් විවර වීය, ඔහු රළු වූ ස්වරයකින් “නැහැ...මම...කවදාවත්..නැහැ....ආහ්..”

තියෑන්වන් හි රන්වන් රශ්මිය කිපීමෙන් උමතු විය, හරියට මොහුගේ මුසාවන් අතටම හසුවූවා සේය. මෝ රන්ගේ සිහිල් දහ බිදු ඔහුව තෙත් කිරීමට තරම් ප්‍රමාණවත් විය.  ඔහු තවමත් මෙම වධ බන්ධනය කෙරෙහි ප්‍රතිරෝධ දැක්වූයේ ය.

කසපහරින් පසු තියෑන්වන්හි දෙවෙනි ක්‍රියාදාමය වන්නේ_____ ප්‍රශ්න කිරීමයි

තියෑන්වන්හි වෙළුමෙන් පසු , කිසිවෙකුට එය ඉදිරිපිට මුළා කිරීමට නොහැකිය. මිනිසෙකු හෝ වේවා, අසුරයෙකු හෝ වේවා, ජීවතුන් අතර හෝ නොමැතිව , තියෑන්වන් හට ඔවුන්‍ට බලපෑම් කිරීමේ හැකියාව ඇත, චූ වන්නිං හට අවැසි පිළිතුර සපයනු ඇත.

පෙර භවයේදී ශක්තිමත් ධ්‍යානවේදය හෙයින්  මෙහි බලපෑම දැරිය හැක එක පුද්ගලයෙක් සිටියේ ය, මනා ලෙස කළමණාකරණය කොට තම රහස් තියෑන්වන් ගෙන් සගවා ගැනීම වික්‍රමය තිබූ අයෙක්

එමෙන්ම එම පුද්ගලයා මනු ලොවෙහි අධිරාජ්‍යයා බවට පත් වූවේ ය, එනම් මෝ වෙයියූ.

නැවුම් ලෙස පුනර්භවය ලද මෝ වෙයියූ හට කිසිදු සරණක් නොවූවේ ය, පෙර කළ හැකි වූ  අයුරින් තියෑන්වන්හි ප්‍රබල ප්‍රශ්න කිරීම හමුවේ නොසැලී සිටීමේ හැකියාව ඇතැයි සිතුවේ ය. නමුත් අවසානයේ ඔහුට දැනුනේ කෙළවර කින් තොර වූ දෙතොල් විකා ගැනීමකි, යෝධ පබළු මෙන් දහදිය බිදු ඔහුගේ තීන්ත වැනි කළු දෙබැම දිගේ රූරා වැටිණි, මුළු ගතම වෙවුලන්නට සහ ඇඹරෙන්නට විය . අවසානයේ ඔහු වේදනාවෙන් බිම මුණින් අතට දිගා විය. ඔහු  චූ වන්නිං ගේ දෙපා මුලට දණින් විත් , අපහසුවෙන් හුස්ම ගන්නට විය...

“මම....මම......සොරකම් කළෙමි...”

වේදනාව පහව ගියේ  සැණෙකින් ය. චූ වන්නිං ගේ ඉදිරි ප්‍රශ්න කිරීමට පෙර මෝ රන්  හුස්මක් වත් නොගත්තේ ය, ඔහුගේ හඩෙහි ස්වරය පෙරට වඩා සැර පරුෂ විය.

“ඔබ අනාචාරයේ හැසිරුණෙහි ද?”

දක්ෂ මිනිස්හු මුග්ධ ක්‍රියාවන්හි නිරත නොවන්නෝ ය.

පෙර ඔහුට දැරිය නොහැකි වූ හෙයින් , මෙවර, එය කෙසේවත් කළ නොහැක්කකි. මෝ රන් විරුද්ධ වීමට වධ වූයේ නැත; එම මොහොතේ ඔහු වේදනාවෙන් හඩන්නට විය, “ඔව් ! ඔව්! මම කළෙමි කළෙමි!!! අනේ ඇදුරුතුමනි! තව දුරටත් නම් එය නොකරනු මැනවි!”

පසෙකින් සිටි ෂුවේ මං ගේ මුහුණ නිල් විය. විශ්මයෙන් තිගැස්මට පත්ව ඔහු “තමුන්ට කෙලෙසද මෙවැන්නක් කළ හැකිවූයේ? රොං ජියෝ යනු පුරුෂයෙක්, එසේ වූවත් තමුන්....”

තියෑන්වන්හි රන්වන් පැහැති  ආලෝකය සෙමින් නිවී එයින්  මෝ රන් මගහැරෙන්නට විය. ඔහු දිගු සුසුමක් ගිල ගත්තේ ය, මාළු බෑමට දියඹට ගියාක් මෙන් ඔහුගෙ මුළු සිරුරම දහඩියෙන් තෙත්විණි. ඔහුගේ වත ස්වේත තුනී රෙදි කඩක් මෙන් විය, ඔහුගේ දෙතොල් පාලනයකින් තොරව වෙවුලන්නට විය, චලනය වීමට නොහැකිව ඔහු බිම වැතිර සිටියේ ය.

ඔහුගේ දහඩියෙන් තෙත්වූ නෙතු පිහාටු මතින් ඔහුට බොදව ගිය . හරිතමණී ඔටුන්න සහ බිම ගෑවෙන පුළුල් දිගු ඇදුම් අත සමග චූ වන්නිං ගේ කැලිසේයාව දිස් වූයේ ය.

සැණෙකින් ප්‍රබල වෛරීය තරංග ඔහුගේ හදවතට ගලා ආවේය___චූ වන්නිං! මේ උත්තමයාණන් උඹට පෙර  භවයේ මෙතුමාණන් සිතූ පරිදිම සැලකූ අයුරෙහි කිසිදු දෝෂයක් නොමැත. මෙම භවතරණයෙන් පසුවත් උඹේ සේයාව දැකීම පවා මට මහ හිසරදයක්! උඹේ හත්මුතු පරම්පරාවම හැදිගෑවිලා පලයං

තම හත්මුතු පරම්පාරාවට තම මෘග ගෝලයා ශාප කරන වගක් ගැන චූ වන්නිං සුපරික්ෂාකාරී නොවූයේ ය. ඔහු පෙර සිටන් සිටිතැනම සිටියේ ය. මුහුණ අදුරුව තබාගෙන පසුව ඔහු “ෂුවේ මං” යනුවෙන් පැවසුවේ ය.

එම දිනවල ධනවත් මන්දිර වල සිටින පුරුෂ ස්වරූපයන් විනෝදාශ්වාදයට නැඹුරු බවත්, බොහොමයක් දෙනා පිරිමි අභිසරුවන් සමග ප්‍රීතියභුක්ති විදිනුයේ එයින් නැවුම් වින්දනයක් ලැබීමට බවත්  එහි තේරුම ඔහුන්ගේ සිතැගි ඇත්තේ පුරුෂයින්‍ටම නොවන බවත් ෂුවේ මං දැන සිටියේ ය.  ඔහුට කරුණු පැහැදුණත් තවම හරිහැටි ගැනීමට නොවූ හෙයින් ගිලීමට පවා අපහසු විය, පිළිතුරු දීම සදහා ඔහුට මද වේලාවක් ගත විය “ඇදුරුතුමනි! මෙම ගෝලයා මෙහි සිටින්නේ ය”

හරිම නින්දිතයි.

මෝ රන් යනු සෂන් වංශයේ හාම්‍පුතෙක් බැව් දැනගත යුත්තකි! වංශයේ නීතීන් කෙතරම් තද වූවත් මෝ රන්ගේ නිලයන් සුවිශේෂි විය__කුඩා අවදියේම තම දෙමව්පියන් අහිමිව පිටස්තර ලෝකයක දහහතර වෙනි විය වන තෙක් සැදී වැඩීම හේතුවෙන් ඔහුගේ මාමණ්ඩියට ඔහු ගැන අනුකම්පාවක් ඉපැද තිබුණේය. කිසිදු පැකිලීමකින් තොරව ඔහු මෝ රන්ව සැමවිටකම බේරා ගත්තේ ය. මෝ රන් වැරැද්දක් කළ විට ඔහු පෞද්ගලිකව ඔහුට අවවාද උපදෙස් දුන්නේ ය, කිසිදා ඔහුට තලා පෙලා නොමැත.

නමුත් ඇදුරුතුමා වංශ ප්‍රධානිතුමාගේ මුහුණ ඉදිරිපිටවත් ඔහුව බේරා නොගත්තෝ ය. ඔහුගේ රන්මසු ඥාති සොහොයුරා ද කුසල් අකුසල් කථිකාසනය ඇදගෙන ගොස් මුළු වංශයක් ඉදිරිපිට මෝ ස්වාමිපුත්‍රයාට ලැජ්ජා කරමින් දඩුවම් කරන්නෝ ය.  එය ෂුවේ මං පවා බලාපොරොතු නොවේ විරූ දෙයකි.

මෝ රන් එය  අරුමයක් නොවූවේ ය.

ඔහු බිම දිගා වී තම දෙතොල් සමච්චල් සහගත සිනහවකට හැරෙව්වේ ය.

 තම ඇදුරුතුමා කෙතරම් ධාර්මිෂ්ඨ ද, සහ සාධාරණත්වයෙ පිරී ඇත් ද යන වග බලමින් සිටියේ ය.

චූ වන්නිං යනු රළු පරුෂ මිනිසෙකි. පෙර භවයේ දී ඔහුගේ නෙත් මානයේම ෂ මෙයි මියැදුනේ ය. මෝ රන් හඩා වැලපෙමින් , බිම දණින් වැටී ඔහුගේ වස්ත්‍රයේ අග අල්ලාගෙන උදව් ඉල්ලමින් බැගෑපත්ව අයදින්නට වූවේ ය.

නමුත් චූ වන්නිං එය නොඇසුණාක් මෙන් සිටියේ ය.

ඔහුගේ ගෝලයා ඔහු ඉදිරි පිටම අවසන් හුස්ම හෙළුවේ ය. එමෙන්ම පසුදින මෝ රන් තම දුක තුනී කිරීමට යැයි සිතා හඩා වැලපෙන්නට වූවේ ය. නමුත් චූ වන්නිං වගේ වගක් නොමැතිව එය බලා සිටියේ ය.

මෙම මොහොතේ කුසල් අකුසල් කථිකාසනයට ඇදගෙන ගොස් සියල්ලෝම ඉදිරි පිට දණ්ඩණයට ලක් කිරීම යන්න මෝ රන් හට අරුමයක් නොවන සාමාන්‍ය දෙයකි.

මෝ රන්ට හැක්කේ වූ දේවල් ගැන සිතමින් තම වත්මන් ජීවිතයේ දුර්වල ධ්‍යානවේදය සමග කිපෙමින් සිටීම පමණි. ඔහු ක්‍රෝධයෙන් සිටියේ චූ වන්නිං ගේ සම ඉරමින්, නහර එළියට අදිමින් , ලේ බීමට නොහැකි වීම ගැනය. ක්‍රෝධයෙන් සිටියේ චූ වන්නිං ගේ කොණ්ඩය පිටුපසට ඇදීමට නොහැකි වීම, ප්‍රචණ්ඩත්වයකට ලක් කොට ඔහුගේ හදවත් තුළ රැදි දේවල් සියල්ල විනාශ කිරීමට නොහැකි වීම, ඔහුව වධ බන්ධනයට ලක් කොට ඔහුගේ ගෞරවය කෙළසීමට නොහැකි වීම සහ ඔහුගේ මුළු ජීවිතයම ජීවත්වනවාට වඩා මරණය යහපතැකි වන අපායක් කිරීමට නොහැකි වීම පිළිබදවය.

රාක්ෂයෙකු මෙන් සැහැසිවූ ඔහුගේ දෙනෙත් මොහොතකට ලිස්සා , චූ වන්නිංගේ බැල්මට හසු විය

ඔහු මෝ රන්ගේ මුහුණ දෙස සිහින් ලෙස බැලුවේ ය. ඔහුගේ මනරම් විදග්ධ මුහුණ සම්පූර්ණයෙන් ප්‍රකාශනයගෙන් තොර විය.

“මොනවා ගැන ද ඔබ ඔයතරම් සිතන්නේ”

මගුල!

තියෑන්වන් තවමත් ආපසු ගෙන නොතිබුණේ ය. මෝ රන් හට නැවතත් තම සිරුර වෙලාගෙන සිටි ලතාව තම සිරුර මිරිකමින් අඹරන්නට වී තම අවයව හැකිලී තලපයක් බදු වන්නට වන බව දැණුනි. ඔහු කටුක වේදනාවෙන් මරහඩ දුන්නේ ය, එයින් ඔහුගේ සිතුවිලි ලිහිල්ව එළියට ආවේ ය.

“චූ වන්නිං! උඹ කුමක් ද උඹ ගැන සිතා සිටින්නේ?! බලාගෙන හිටපිය මම උඹට මැරෙණකම්ම රමණය කරණ අයුරු”

සියල්ලෝම නිහඩ විය.

චූ වන්නිං “..........................”

ෂුවේ මං ද තුෂ්ණිම්භූත වූවේ ය

තියෑන්වන් ක්ෂණයෙන් චූ වන්නිං ගේ අල්ල මතට ආවාය, ඇයි රත්‍රන් පැහැති කුඩා තිත් බවට හැරී ඉන්පසු අවසානයේ නොපෙනී ගියා ය. තියෑන්වන් සෑදී අත්තේ චූ වන්නිං ගේ අස්ථි සහ රුධිරය මගින්ය. කැදවූ විට පැමිණුනා ය, කැමැත්තෙන්ම නොපෙනී ගියා ය.

ෂුවේ මං ගේ මුහුණ සුදු මැළි විය. ඔහු “ඇ..ඇ..ඇදුරුතුමනි!” ගොතගැසුවේ ය.

චූ වන්නිං කිසිවක් නොපැවසුවේ ය. ඔහුගේ දිගු , ඉතා කළු, සෞම්‍ය නෙත් පිහාටු ඔහු තම අත්ල දෙස මොහොතකට බැලීමත සමගම බිමට හැරිණ. ඔහු තම දෙනෙත් ඉසවූවේ ය, ඔහුගේ සුපුරුදු වත චලවයක් නොමැතිව පෙරටත් වඩා හිම මෙන් රළු විය. ඔහු මෝ රන් දෙස එක එල්ලේ බලා සිටියේ හරියට“මේ යක්ෂ පැටියව මරන්න ඕනෙ” ලෙසට ඔහුගේ රවා බැලීම පවසන අයුරිනි.  ඔහුගේ ස්වරය මදකට අඩු කරමින් පැවසුවේ ය.

“තියෑන්වන් කැඩී ගොස්‍ ය, මම එය නැවත් සෑදීමට යමි”

එය පැවසීමෙන් පසු චූ වන්නිං අපිට හැරී නික්ම ගියේ ය.

එය වටහා ගැනීමට ෂුවේ මං එතරම් දක්ෂ දරුවෙක් නොවූවේ ය “කෙ-කෙලෙසද තියෑන්වන් වැනි පාරිශුද්ධ ආයුධයක් එලෙස කැඩීයා හැකිකේ?”

ඔහුව සවනට වැටීමෙන් පසු  චූ වන්නිං රවමින් ඔහු දෙස හැරී බැලුවේ හරියට නැවතත් “මේ යක්ෂ පැටියා මරන්න ඕනෙ” යන අයුරින්ය. ෂුවේ මං ගේ කෂේරුකාව සිහිල් වනවා මෙන් ඔහුට දැණුනි.

අර්ධ වශයෙන් මියැදී සිටි මෝ රන් බිම දිගා වී සිටියේ ය.

මොහොතකට පෙර ඔහු චූ වන්නිං හට මැරෙන තුරා රමණය කරන අවස්ථාවක් පිළිබදව සොයමින් සිටියේ ය. චූ වංශාධිපතිතුමා ගේ නිලයන්  පිළිබද ඔහු හොද අවධානයකින් යුක්තව සිටියේ ය.  රෑ අහසේ උදුල තරුව යූහං , බේයිදෝව්  අමරණීයයා,  යනු  පාරිශුද්ධව සිටීමට මෙන්ම මනහරව සිටීමට, විනයාන්විත බව සහ ගෞරවය පිළිබදව ,  නිතරම පාහේ අවධානය යොමු කළ අයෙක් ය. ඔහුට දැරිය නොහැකි වූයේ අයෙකුගේ දෙපා මුල වැටීම හෝ, කැලැල් ඇතිවීම හෝ පීඩාවට පත්වීමය

එහෙයින් කෙලෙසද චූ වන්නිං හට මෙවැනි සොයා ගැනීමට ඉඩහැරීමට හැකිවනුයේ.

මෝ රන් අසරණව අතහැර  දැමූ සුනඛයෙකු මෙන් කෙදිරි ගාන්නට විය.

චූ වන්නිං ගේ දෙනෙත්හි බැල්ල මතකයට නැගුණු විට ඔහුට දැනුනේ පෙනෙණ ආකාරයෙන් තමා වැඩිකලක් දිවි නොගෙවන බවය.

 

කතු වදන :

ඔන්න shizun දැන් ආවා! වැරදි ship ගැන හිතන්න එපා , වැරදි position ගැනත් උපකල්පනය කරන්නත් එපා. Shizun තමයි bottom , bottom = = තින්ත පෑන් මාළුවා (මෝ වෙයියූ ට කියන අනික් නමක්) තමයි top , MC තමයි top

 

Meatbun : මෝ වෙයියූ ඇයි shizun දැක්කාම ඔයාගේ කකුල් දුර්වල වෙන්නේ? ඔයා නෙවෙයි ද  top? කෝ ඔයාගෙ top පවර් එක?

තීන්ත පෑන් මාළුවා : වයසයි,  ආතරයිටිස්

Meatbun : හරියට කිව්වානම්

තීන්ත පෑන් මාළුවා : ඔයාට මගේ අවුරුදු තිස් දෙකක් වයස ආත්මයක ජීවිත කතාව ගැන අවධාරණය කරන එක නවත්තන පුළුවන්ද? මම ආයෙ ඉපදුනාට පස්සෙ හරිම  කිකරු උනා! මම අහිංසක ජවසම්පන්න තරුණයෙක්

Meatbun : එතකොට කොහොමද ඔයාට තාමත් ආතරයිටිස් තියෙන්නෙ?

 

T/N :

Top /Bottom ගැන BL නවකතා, කොමික්, කියවලා ඇත්නම් දන්නවා ඇති, අලුතින්ම කියවන කෙනෙක් මේ ගැන දන්නෙ නැත්තම උදාහරණයක් එක්ක කියන්නම් , උදාහරණය නිසාවත්, පැහැදිලි කිරීමට ගන්න උත්සාහය නිසාවත් වැරදියට හිතන් නැතිවෙයි කියලා හිතනවා. මෙහෙම උදාහරණයකින් හැරුණුකොට පැහැදිලි කරන්න අමාරුයි bio class වගේ කරන්නත් බෑනේ

මෙහෙමයි සම්බන්ධකදි හෝ එකතු වීමකදී අපි කිව්වොත් පිරිමි කෙනා යමක් දෙනවා ගෑනුකෙනා ඒ දෙය ගන්නවා කියලා අපි නිකමට කියමුකෝ  (man gives , woman receives). මෙතනත් Top යමක් දෙනවා (Top is the one who gives )  සහ Bottom ඒ දෙය ගන්නවා (Bottom is the one who receives ) වගේ දෙයක් තමයි වෙන්නේ, switch වෙන්නෙ නෑ, එහෙම වෙනවා හරි අඩුයි , මේවා මේ විදිහට තියෙන්නෙ BL/ Yaoi/ Danmei වල තමා, ඇත්ත ජීවිත වල කොහොමද කියන්න හරියටම දන්නෑ, ඒ ගැන සමාව අයදිනවා .  

Chinese - top ට කියන්නේ Gong , bottom ට කියන්නෙ Shou

Japanese – top ට කියන්නෙ Seme , bottom ට කියන්නෙ Uke

Korean – top ට කියන්නෙ Kong ,  bottom ට කියන්නෙ  Su

 

*රෑ අහසේ උදුල තරුව යූහං (晚夜玉衡 – Wǎnyè Yùhéng / වන්යේ යූහං) = Yuheng of the night sky
                           (යූහං යනු Epsilon Ursae Majoris නැතහොත Alioth නමින් හදුන්වන දීප්තිමත් තරුවක්)
 * බේයිදෝව්  අමරණීයයා (北斗仙尊 – Běidǒu Xiān-zūn ) = Beidou immortal

* තියෑන්වන්  = 天问 – Tiānwèn / Heavenly Questions මෙහි අර්ථය "ස්වර්ග සවික්සුම" නම් වේ

 

 Previous | TOC | Next